دوحه ییغیلیشیده مدنی جماعه‌چیلیک دن تورت عیال و ایکّی ایرکک اشتراک اېته‌دی
بیرلشگن ملتلر تشکیلاتی دوحه ییغیلیشینی اۉتکزیش اوچون، اروپا و آسیا ده دیپلماتیک آواز بیریشنی باشله‌گن. سۉنگی نیچه کون اېچیده بو تشکیلات نینگ بیر قطار مملکت‌لرده‌گی وکیللری ایریم اولکه‌لر وکیللری بیلن مذاکره اۉتکزگن. بیرلشگن ملتلر تشکیلاتی نینگ بروکسل ده‌گی نماینده‌لیک دفتری، دوحه ییغیلیشی حقیده بحث اېتیش اوچون ۱۰ مملکت وکیللرینی قبول قیلگنینی بیلدیرگن. شونینگدیک بیرلشگن ملتلر تشکیلاتی باش کاتبی نینگ مخصوص هماهنگ قیلووچیسی افغانستان گه سفر قیلیب و طالبان رسمی‌لری و دیپلماتیک وکیللری بیلن اۉچره‌شگن. اروپا اتفاقی نینگ مخصوص وکیلی افغانستان گه سفر قیلیب و اوشبو هفته اېچیده آسیالیک بیش مملکت حضوری بیلن اۉتکزیلیشی ریجه‌لشتیریلگن ییغیلیش ده قتنشیش اوچون قیرغزستان گه باریشی کوتیله‌دی. بیرلشگن ملتلر تشکیلاتی نینگ سعی‌وحرکت‌لری دوحه ییغیلیشی نینگ اۉتکزیلیشی و مدنی جماعه‌چیلیک و عیاللر نینگ وکیللری قنده‌ی تنلنگنی خصوصیده ایریم تنقیدلر گه سبب بولگن. عین‌حالده بیرلشگن ملتلر تشکیلاتی ده‌گی منبعلر گه کوره، دوحه ییغیلیشی ده اشتراک ایتیش اوچون حاضرگچه افغانستان مدنی جماعه‌چیلیک دن تورت عیال و ایکّی ایرکک تنلنگن.
دوحه ییغلییشی بیرلشگن ملتلر تشکیلاتی میزبان‌لیگی و مملکت‌لر نینگ وکیللری اشتراکی بیلن ۱۸ و ۱۹ فبروری کون‌لری ده اوتکزیلیشی کوتیله‌دی. بیرلشگن ملتلر تشکیلاتیده‌گی منبعلر گه کوره، بو ییغیلیش نینگ کلیدی آجنداسینی خلق‌ارا همکارلیک قیلیش، مستقل طرزده تیکشیریش گزارش‌لر گه اېزین بیریلیشی و افغانستان اوچون مخصوص ینگی نماینده اېتیب تعیینلنیشی تشکیل بیره‌دی.
بیرلشگن ملتلر تشکیلاتی دوحه کیله‌سی ییغیلیشی اۉتکزیلیشی اوچون مملکت‌لر و خلق‌ارا نهادلر بیلن دیپلماتیک آواز بیریشنی باشله‌گن. بو تشکیلات وکیللری اۉتگن هفته ایچیده نیچه مراتبه اروپا، آسیا و طالبان رسمی‌لری بیلن اوچره‌شیب و دوحه ییغیلیشی حقیده بحث ایتگن.
بروکسل ده بیرلشگن ملتلر تشکیلاتی نینگ دفتری، اوشبو ییغیلیشده افغانستان ده خاتین قیزلر نینگ حقوقی رعایت ایتیلیشی و وضعیت یخشی‌لنیشی اوچون دیپلماتیک یوللر قیدیریلیشی حقیده بحث ایتیلیشینی معلوم قیلگن. مذکور نهاد نینگ کوپه‌یتیریشیچه، بو ییغیلیش «افغانستانده یوقاری درجه ده خاتین قیزلر نینگ تعلیمی حقیده بحث ایتیلیشی اوچون» ترتیب بیریلگن. اوشبو نهاد گه کوره: «افغانستان دنیا بویلب قیزلر تعلیم دن محروم بولگن یگانه مملکت دیر.»
عین‌حالده، افغانستانده انسان حقلری و خاتین قیزلر اوچون امریکا نینگ مخصوص وکیلی رینا امیری، بلیجم ده بیرلشگن ملتلر تشکیلاتی ییغیلیشینی افغانستانده خاتین قیزلرنی قوللب-قوتلش اوچون مهم دیب بهاله‌گن. اونینگ ایتیشیچه: «طالبان نینگ چیکلاولری دوام ایتماقده اېکن، بیز جمعی و انیق طرزده افغان عیاللرینی قوللب-قوتلشی‌میز درکار.»
اروپا اتفاقی نینگ مخصوص وکیلی توماس نیکلاسون، دوحه کیله‌سی ییغیلیشیده «اساسی قانون و انسان حقلری رعایت ایتیلیشی» حقیده بحث ایتیلیشی ممکن دیگن. او کابل ده خبری بیر ییغیلیش ده ایتیشیچه، بو ییغیلیش ده بیرلشگن ملتلر تشکیلاتی باش کاتبی نینگ مخصوص هماهنگ قیلووچیسی فریدون سینیرلی اوغلو نینگ گزارشی گه کوپراق اعتبار قره‌تیله‌دی.
شو بیلن بیرگه، نیکلاسون جنابلری نینگ ایتیشیچه، دوحه ده بیرلشگن ملتلر تشکیلاتی نینگ ییغیلیشیدن آلدین، افغانستان وضعیتی گه دایر آسیا و اروپا اتفاقی بیش مملکت وکیللری نینگ حضوری بیلن قیرغزستان ده ییغیلیش اۉتکزیلیشی کوتیله‌دی. اروپا اوشبو رسمی‌سی نینگ کوپه‌یتیریشیچه، افغانستان اوچون اورته آسیا مملکت‌لری نینگ وکیللری بو مملکت وضعیتی گه دایر بیشکیک ده مذاکره قیلیش‌لری ممکن: «کیله‌سی هفته، قیرغزستان میزبان‌لیگی بیلن افغانستان خصوصیده اروپا اتفاقی و اورته آسیا بیش مملکت همکارلریمیز بیلن اوچره‌شوونی کوتماقده من. بیراق نیکلاسون بوتوغریده ایضاح کیریتمه‌گن.
افغانستان ایشلری بوییچه بیرلشگن ملتلر تشکیلاتی باش کاتبی نینگ مخصوص هماهنگ قیلووچیسی فریدون سینیرلی اوغلو، افغانستان وضعیتی گه دایر مستقل گزارشینی خۉفسیزلیک کینگشی بیلن شریک قیلیب، کابل گه سفر قیلگن. کابل ده تورکیه ایلچی‌لیگی بیر بیانیه ترقه‌تیب، فریدون سینیرلی اوغلو دوحه ییغیلیشی مسئله‌لری حقیده بحث ایتیش اوچون کابل گه سفر قیلگنینی ایتگن.
مذکور ایلچی‌لیک نینگ بیانیه‌سی اساسیده، سینیرلی اوغلو جنابلری طالبان رسمی‌لری بیلن ملاقات نتیجه‌سینی دیپلماتیک همجمعیت و بیرلشگن ملتلر تشکیلاتی رسمی‌لری بیلن شریک قیلگن. او طالبان باش وزیری نینگ سیاسی اورین باسری عبدالکبیر، بو گروه نینگ تشقی ایشلر وزیرلیگی سرپرستی امیرخان متقی، سابق جمهور باشلیغ حامد کرزی و کابل ده افغانستان اوچون اروپا اتفاقی مخصوص وکیلی توماس نیکلاسون بیلن اۉچره‌شگن.
شو بیلن بیرگه، افغانستاندهگی اعتراضچی عیاللردن بیرقطاری یوله‌گن آچیق مکتوب‌لریده، دوحه ییغیلیشی ده طالبان وکیللری تکلیف قیلینیشینی قاره‌لب و اونی افغانستانده جنسیتی آپارتایدنی کوچه‌یتیرگن گروه بیلن «همکارلیک» قیلیش دیگنلر. بو ییغیلیش طالبان منفعتی اوچون یکونلنگن حالده، «عدالت تامین ایتیلیشی خصوصیده افغانستان خاتین قیزلری نینگ مبارزلری گه اعتباربیرمسلیک» دیب آگاه‌لنتیریشگن.
بیرلشگن ملتلر تشکیلاتیده‌گی منبعلر نینگ ۸صبح کونده‌لیگیگه ایتیشلریچه، مدنی جماعه‌چیلیک دن حاضرگچه تورت عیال و ایکّی ایرکک تلنگن. بیراق منبعلر ییغیلیش ده اشتراک ایتووچیلر نینگ آتینی آچیقلمه‌گن. منبعلر گه کوره، مذکور ییغیلیش ده طالبان نماینده‌لیگیدن بو گروه نینگ تشقی ایشلر وزیرلیگی سرپرستی امیرخان متقی چقیریلگن و اوشبو گروه ییغیلیش اولر منفعتی گه یکونلنیشی مقصدیده کوپراق سعی‌وحرکت قیلماقده‌لر.
عین‌حالده، عیال حقوقی فعاللریدن بیرقطاری نینگ ایشانچی گه کوره، بیرلشگن ملتلر تشکیلاتی میزبان‌لیگی بیلن دوحه ییغیلیشی، افغانستان خاتین قیزلری نینگ وضعیتی اۉزگریشی اوستیگه هیچ تاثیر قیلمه‌یدی. اولر گه کوره، طالبان بیلن دنیا نینگ مناسبتی تاثیرلی مذاکره‌لر ده عیاللر اونیتیلیشی گه سبب بولگن. بو عیال حقوقی فعاللری نینگ کوپه‌یتیریشیچه، دنیا نینگ طالبان بیلن مناسبتی و اوشبو گروه گه کوپ امتیاز بیریش، ییترلی باسیم‌لر کمه‌یشیگه سبب بولگن.
عیال حقوقی فعاللریدن بیری مرضیه احمدی، ۸صبح کونده‌لیگی بیلن اۉتکزگن صحبتیده ایتیشیچه، سۉنگی ایکّی ییل ده طالبان بیلن دنیا نینگ تعاملی باعث بو گروه بیانیه‌لر و اخلاقی مصلحت‌لر گه هیچ اعتبار بیرمه‌یدیلر. اونینگ کوپه‌یتیریشیچه، کوپ سانده مملکت‌لر برچه ساحه‌لردن عیاللر نینگ حذف بولیشی و اولر نینگ سیاست و قدرت ده بولیشی هیچ مهم اېمس و بو مملکت‌لر خۉفسیزلیک منفعت‌لری و قدرت‌طلب‌لیکلری اوچون عیاللر حقوقی رعایت ایتیلیشیدن رسمی ادبیات و دیپلماتیک ده یالغیز بیانیه‌لر گه سوینه‌دیلر. مذکور عیال حقوقی فعالی نینگ کوپه‌یتیریشیچه، عیاللر نینگ حقوقی رعایت بولمه‌ی و اولر گه اساسی حقلری بیریلمه‌گن حالده عصیانچی گروه‌لر نینگ نفوذ قیلیشی و خوفسیزلیک تهدیدلر حل بولمه‌یدی. اونگه کوره، برچه ساحه‌لردن عیاللر چیکلنیشی، مملکت نی کوتیلمه‌گن انقراض گه دوچ قیلیشی ممکن.
خلق‌ارا کیچیریم تشکیلاتی و انسان حقلری کوزه‌تووچی تشکیلات شامل انسان حقلری تشکیلاتی، بیرلشگن ملتلر تشکیلاتی باش کاتبی آنتونیو گوترش گه یوللـه‌گن مکتوبی ده، دوحه ییغیلیشی ده عیاللر حقوقی اولویت بیریلیشینی سوره‌گنلر. اولر عیاللر گه یره‌تیلگن برچه چیکلاولر و برچه خاتین قیزلر ایرکین‌لیگی اۉستیگه تاکید ایتگنلر.
طالبان سۉنگی ایکّی یریم ییل ده دنیا ایستک‌لری گه اعتبار بیرمس دن، عیاللر نی کلتکلش، حذف قیلیش و اولدیریش گه دوام بیرگنلر. بو گروه عیاللرنی حجاب نی رعایت قیلمسلیک عیبی بیلن اولرنی قولگه آلیب و کلتکله‌گن. ینگی‌لیکده بلخ ده طالبان تامانیدن اۉز باشیمچه‌لیک شکلده قولگه آلینگن قیز اوزینی اولدیرگن و باشقه بیر قیز مذکور ولایت نینگ بلخ تومنیده اوشبو گروه تامانیدن اوققه توتیلیب اولدیریلگن.
شونینگدیک طالبان سابق خۉفسیزلیک کوچلر دن قصاص آلیش جریانی گه دوام بیرماقده‌لر. سونگی نیچه کون اېچیده پکتیا ده سابق بیر عسکر بو گروه تامانیدن اۉققه توتیلیب و بغلان ده اوشبو حربی‌لردن بیری طالبان تامانیدن ملی مقاومت جبهه‌سی گه همکارلیک قیلیش عیبی بیلن اوققه توتیلیب اۉلدیریلگن و جسدی عموم حضوری ده قوییلگن.
بو خواطرلر عین‌حالده بیان بولماقده بوندن آلدین افغانستان ایلچیسی بیرلشگن ملتلر تشکیلاتی اروپا مقری (سویس) ده، انسان حقلری مساله‌سی و عیاللر حقوقی بو ییغیلیش نینگ بیرینچی آجنداسی اېمس‌‌لیگینی ایتگن.
