بیزنی قیز بۉلگنیمیز اوچون قماققه حکم قیلیشدی
مېن راضیه‌من، مکتب، تحصیل، نفس آلیش و خورسند ییشدن محروم قالدیریلگن اۉقووچی من. ایکّی ییلدن بېری مېن و باشقه خاتین – قیزلرگه یششنی قماققه ایلنتیرگن کیمسه‌لرنینگ تورمه‌سیده‌من. بو کونلر همه نرسه بو یېرده افلاسلیک هیدی بېره‌دی. حسیاتلر ترقه‌ب کېته‌یاتگنینی حس قیله‌من و اولر بو باتقاقدن قوتولیش یۉلینی تاپماقچی. مېنینگ توغیلیب اۉسگن شهریم آدملر تیریکچیلیکدن تۉیه‌دیگن باتقاققه ایلندی. قیزلری آرزو قیلیشدن محروم، عیاللری اویده قالیشگه محکوم، اېرککلری هم سۉزسیز اطاعت قیلیشگه مجبور. میلیونلب آدملرنینگ حیاتینی گروگه آلگن شفقت‌سیز حکمدارلرگه بۉیسونیش. بو حکمدارلر و اولرنینگ همراهلری، تنه‌لری افلاس، سایه‌لری قۉرقینچلی، خطی-حرکتلری شفقت‌سیز بۉلیب، آدملرنینگ یېلکه‌لری تیتره‌یدی. اولرنینگ قمچیسی یوزلر و دللرده‌گی مهر- محبتنی اۉغیرلب، قلبلر توبیده ظلمت قالدیره‌دی. بو گروه بې‌گناه قیزلرنی، جفاکش عیاللرنی اویلرنینگ بورچکلریگه قمه‌ب، قییناققه سالیشه‌دی. عیناً شو باتقاقده قیزلر و عیاللر حلی هم نفس آلماقده، اما تام معناده اۉلیک. مېن شو باتقاق نینگ توبیده قالیب کېتگن و اونینگ نفسی سنه‌لگن آمدسیز قیزلردن بیریمن، بخت نینگ چۉقّیسیده یشه یاتگن و اولرنینگ برچه تشویشلری موفقیت چۉقّیلریگه قنده‌ی اوچیش اېکن، دېب سۉره‌یمن، اگر مېنینگ اۉرنیمده اېدینگیز سیز نیمه قیلگن بۉلردینگیز؟ مېن حیاتیم نینگ دوامیده اېنگ ساده آرزو ایستکلریمگه اېریشیش اوچون، هردایم کوره‌شگمن؛ لېکن حلی همه‌سینی یوتقیزدیم و همه نرسه‌گه اېریشیب بۉلمه‌دیگن بۉلیب قالگن. اۉزیگه یاققن کییمنی کيیشنی، ساچلرینی سیلکیلله‌تیب، اۉشه حیات چالغوسینی چله‌یاتگن هدفوننی تینگلشنی، بایسکل هیده‌ش، ساچینی اۉرویم قیلیب اېرکه‌لشی محروم اېتیلگن و یوره‌گی دېنگیرگه اوریب و یۉللرنی کېزیب تونگی سیاحتلرگه چیقه دېگن اۉشه خیال‌پرست قیزگه یوره‌گیم آغرییپتی. عاشق بۉلسه، دلخوشلیک عاشقلری کیچیک، خیاللری عاشقی و گۉزل خیاللری عاشقی اونی بی‌تفاوتلر دنیاسی بیلن باغله‌گن.
بو برچه حسیاتلرنی اۉزیم بیلن سقلب قالیب قۉلدن بېرمسلیکنی ایسته‌یدی کۉنگلیم. خیال سوریش هم عجایب بیر گۉزل دنیا دیر. شونده‌ی گۉزل که قیزلرنینگ خورسند و اېرکین کولیشلری دېک. قیز بۉلگن لیگیم نینگ عاشقی بۉلگیم کېله‌دی و قیزلیک دنیاسیدن قۉرقمه‌سم و حتی بیر دقیقه هم که بۉلسه قۉلیمنی بو چیرایلی دنیادن کوتاه قیلمه‌سم و شماللر بیلن بیرله‌شیب توفانلرنی یېنگیب چیقسم دېمن. بو اېسه فقطگینه مېن و یورتیم قیزلریدن باشقه، برچه قیزلرنینگ گۉزل دنیاسی دیر. بو دنیانینگ تصویری جوده چیرایلی، کۉنگیلنی آولاوچی و فریبکار دیر. اونینگ یخشی دقیقه‌لریدن باشیمنی کۉترگنیمده، مېن ینه مېن اېکن لیگیمنی و همه نرسه جنایت دېب حسابلنگن حقیقي دنیانی کۉره‌من. اۉشنده کۉزیمدن یاش آقه‌دی، تامچیلر قۉل – یوزیمنی هۉللیه‌یدی. هق – هقلب ییغله‌شیب کۉپیه‌دی. بعضن کېله‌جک یخشی بۉله‌دی دېب ایتیشلرنی اېشیتیب یوره‌گیمنی خوش قیله‌من و کۉزلریم یاشی قوریدی، لېکن بو کېله‌جک قچان؟ قنده‌ی قیلیب یخشی بیر کېله‌جک اوچون امیدوار بۉلیش کېره‌ک؟ اگر حیاتیم نینگ بېش یا اۉن ییلی یخشی کونلرنی کوتیشده اۉتسه و مېن اېسه بو یامان وضعیتگه عادت قیلسیم، چی؟ اگر یاشلیگیمی و انرژیم اۉتسه‌چی؟ بونده‌ی جواب‌سیز قالگن سواللر هر دایم ذهنیمی اۉزیگه مصروف قیلگن و هنوز هم اۉزیمنی تۉله حس قیله‌من، توگش اوچون کۉپ تۉکیشیم کیره‌ک. مېن بیر لحظه‌گه تسلیم بۉلیشنی، ییقیلیب، باشقه بۉلیشنی خواهلمه‌یمن. طالبلر مستبد حکمرانلیگی آستیده‌گی حیات مېن و مینگلب قیزنی همه نرسه‌دن هیده‌گن دیر، بو احوال جوده قتیق اۉته‌دی. منه شو گروه برچه خیاللریمنی اۉغیرله‌گن دیر. کونلر، هفته‌لر، آیلر و نهایت ایکّی ییل اۉتدی بو تقدیرسیزلیکدن. همه نرسه توزه‌له‌دی دېگن پوچ بیر گپ بیلن کۉنگلیمیزنی خوش قیلیب کېلگن میز، لېکن هیچ کم بیزلرنینگ فریادیمیزنی اېشیتمه‌دی. تعلیم، تحصیل، یوکسک آرزولردن چېتده قالگن، فریادی هېچ قه‌یېرگه یېتمه‌گن میلیونلب قیزنینگ آوازی جیم. بیزلر یوره‌گیمیزنی کیم و نیمه‌گه خوش قیله‌یلیک؟ بیزلر اونوتیلگنلر میز. بیزلرنی دنیا اېسدن چیقارگن. اگر کونی کېلیب طالبلر خاتین قیزلرنی تیریکله‌یین اۉلدیریب گورگه تیقسه هم، اۉشنده هیچ کیم بیزلرنی قوتقریش اوچون چاره تدبیر کۉرمه‌یدی. بعضیده کۉپ مرته اۉیلب، اۉزیمگه اۉزیم ایته‌من، بیز حقیقتاً هم 21-عصرده یشه‌یپمیزمی. باشقه‌لر باشقه سیاره‌ده یشش یۉلینی قیدیرماقده، لېکن بیز جنسیمیز طفیلی اېنگ اساسي انسانی حقوقلردن محروم قیلینگن میز.
بیز باشقه جغرافیه‌لردن اجره‌لیب توره‌دیگن شفقت‌سیزلیک و دهشتگه تۉله قیشلاقده یشه‌یمیز. بو یېرده یشش تعطیل، ایش تعطیل، نان تعطیل، بیلیم یورت تعطیل، مکتب تعطیل، سفر تعطیل، موسیقی تعطیل، سېوگی تعطیل، هنر تعطیل، بیلیم و دانش تعطیل بیراق گناه‌سیز انسانلرنینگ قانینی تۉتکیش، شلاق اوریش، تاش کۉمدی قیلیش، دره اوریش، یۉق اېتیش، وحشت، بربریت و ظلم قیلیش تعطیل اېمس دیر. قالگن باشقه همه ایشلر حرام دیر. بولرنینگ برچه‌سی غفلتده عملگه آشیریله‌دی و کۉزلر برچه قیینچیلیکلر آلدیده یاپیق قاله‌دی. بو امیدسیزلیکلر آره‌سیده یوره‌گیم جوده چرچه‌گن و امیدسیز بۉلیب قالگن دیر. بیرینچی مرته دیر که برچه آرزو و خیاللریمنی ترک قیلسم دېب اۉیله‌یمن. بو مېن اوچون ایشانیلمه‌دېگن گپ. شونچه ییل تیریکلیگیم نینگ سببیدن وازکېچیب، دایمی سفر قیلیشیم ممکن بۉله‌دیمی؟ بیله‌منکی، روحیم و تنه‌م بو مشقتلردن چرچه‌گن و قرشیلیک کۉرسه‌تیشی کېره‌ک، لېکن مېنینگ ایشیم برباد بۉلگنگه اۉخشه‌یدی. بعضاً ظلمت قعریگه قدم قۉیه‌من و اۉزیمدن سۉره‌یمن، یخشیمیسن؟ اۉله‌یاتگنینگ و اۉزینگیزدن قوتولیشگه حرکت قیله‌یاتگنینگدن خورسندمی سن؟ یاسېنینگ هم کۉنگیلینگ حاکملرنینگ یوره‌گیدیک تاشدن دیر می. بونده‌ی همه نرسه‌نی بیر مرته ترک قیلمه. زوروانلر و خاتین‌سیزتیزلر حاکمیتی توگه‌گندن کېین ینه قیته‌سن و دوباره مېنگه یېته‌سن دېب ایت. مېن آرزولریمگه اېریشیش اوچون هر قچانگیدن هم کۉپراق حرکت قیلیشگه وعده بېره‌من. مېنگه امید بېر، شونده آوازینگنی اېشیتگنیمده نفس آله‌من. طالباندن کېین کېله‌جککه امید باغلشنی ینه کوته‌من. اخیر مېن سېن سیز قالیشدن قۉرقه‌من.
