خاتینلر سپورتی‌نینگ قاره کونلری؛ «قۉیسه‌لر بیزلرهم قیله آلردیک»
معصومه مرادی
تانگ نینگ تۉق سریق قویاشی چیقمه‌گن و دنیا حلی هم قارانغولیک سایه‌سیده اېدی. آلیس – آلیسلر یخشی کۉرینمه‌دی. مېن و زحل بیلن اېندی‌گینه کتّه یۉلگه یېتیب کېلگن اېدیک. تانگ نینگ اۉشه چاغیده یوزلریمیزده تانگ شمالی، آیاغیمیز آستیده‌گی اسفالت ساووغینی بې‌ملال حس قیلردیک. بیز یېتیب کېلگن بیرینچی رکشاگه (سه چرخه) اۉتیردیک؛ بۉیاغی تۉکیلیب، مقابل‌سیده آفتابده کویگن حرفلر بیلن «همه یار ایزله‌یدی، بیزیۉلاووچی قیدیره‌میز» دېب یازیلگن اېسکیرگن رکشا. یۉل اونچه‌لیک اوزاق اېمس اېدی و جمنازیومگه یېتیب باریشگه بار-یۉغی اۉن دقیقه بار اېدی. بیراق، رکشا حرکتلنه باشله‌گن زهاتی، زحل صحبتینی باشله‌دی: «زحل قویاش تیزیمی نینگ آلتینچی سیاره‌سی دیر. بو مشتریدن کېینگی اېنگ کتّه سیاره. هر بیر انسان اونی آرزو قیله‌دیگن چیرایلی حلقه‌لر . آته‌م باله‌لیگیمدن بېری مېنینگ اسمیمگه شونده‌ی توشونتیریشنی ایتگن.
شونینگ اوچون مېن دایم اۉزیمگه ایته‌من، مېن مشتری کبی گۉزل و البته کتّه و کوچلی بۉلیشیم کېره‌ک. «زحل سپورتچی عایله‌ده توغیلگن، شونینگ اوچون هم او باله‌لیگیدناق سپورتگه جوده اشتیاقلی و قیزیققن. اونینگ سۉزلریگه کۉره، بېش یاشیدن رزمی صنعتی رشته‌سی بۉلگن آته‌سی قۉل آستیده دولت جمنازیومیده و کلپ ده اۉزی رهبرلیگیده رسماً کۉپلب شاگردلر تیارلب، اولرنی کتّه سپورت میدانلریگه آلیب چیققن. اما بوگونگی کونده زحل نینگ آته‌سی سپورتنی تشلب، قۉشنی دولتده ایشلب پول تاپیش و عایله‌سینی باقیش اوچون ایشله‌ماقده، زحل نینگ اۉزی اېسه قۉییلگن چېکلاولر طفیلی سپورت بیلن شغللنیش حقوقیگه اېگه اېمس.
قیسقه وقت ایچیده زحل بیلن صحبتلشیشگه تۉغری کېلدی، او بیرینچی مرته کتّه سپورت دستوریده اشتراک اېته آلگنی حقیده کتّه اشتیاق بیلن گپیردی: «مېن اۉن ایکّی یاشده اېدیم: «اۉن ایکّی یاشیمده ایدی ولایتیمیزده‌گی رزمی صنعت بۉییچه تنلنگن باشقه تۉرت سپورتچی بیلن ملی سطحده اۉتکزیلگن برنامنه‌ده اشتراک قیلدیم. برنامه رقابتی اېمس ایدی فقط رزمی حرکتلرنی نمایشگه قۉییش اوچون اۉتکزیلگن اېدی. اۉشه دستوردن قۉلگه کیریتگن تحسین نامه‌نی سقلب قۉیگنمن.» شو پیت تامیرلریده ینگی قان آقه‌یاتگندېک بۉلگن زحل بۉینیده‌گی کیچکینه دستکولیدن قۉل تېلفونینی چیقریب، اونینگ گالریسیدن «اوروشدن آلدینگی مېن» دېب ناملنگن چنته‌نی آچدی.
او بیرینچی فوتوصور‌تنی آچه‌دی و فوتوصور‌تلرنی کوزه‌تیش اوچون مېنگه مبایل تېلفوننی بېره‌دی. گرچه برچه فوتوصور‌تلرنی کۉریش و زحل نینگ توشونتیریشلرینی اېشیتیش امکانیتی کم بۉلسه-ده؛ اما شونگه قره‌مه‌ی، اکثر صور‌تلرده کۉرینیب تورگنی، مخصوص بېل‌باغلی آق تېکواندو لباسی، غلبه‌دن کېین بۉینیگه آسیلگن مداللر و غلبه قووانچیدن لبلریده‌گی تبسم زحلنی ینه‌ده گۉزل و چیرایلی قیلگن.
زحل نینگ سۉزلری رکشا‌وا‌ن نینگ قتّيق یۉتلیشی بیلن توگه‌یدی، بو اېسه منزلیمیزگه یېتیب کېلگنیمیزدن درَک بېردی. شهر دولت جمنازیومی یانیده بیز ریکشا‌دن توشه‌میز. زحل بو ساحه‌ده کۉپراق تانیش بۉلگنلیگی سببلی، او مېندن بیر نېچه قدم نریده مېنی باشقره‌دی. اېرته‌لب سیزنی بو یېرده سۉره‌گنیمگه سبب، گوجوم بۉلگن ساعتلر بیزنی بناگه یقینلشیشگه رخصت بېریلمه‌گنی، یۉلنی آسان کېسیب اۉتیش نینگ هم امکانی یۉقلیگینی ایته‌دی. ایکّی ییل آلدین دولت جمنازیومیده توشکلر، سپورت میدانچه‌لری اوچون چېکلنگن جهازلر و تماشا‌بینلر اوچون عادي چوکیلر بولیشیگه قره‌مه‌ی؛ اۉشه پیتده بو قیزلر اوچون دَم آلیش و سپورت بیلن شغللنیش اوچون یخشی امکانیت و مکان اېدی.
زحل جمنازیوم نینگ بناسیگه حسرت و اینتیقلیک بیلن قره‌یدی: «اۉشه پیتده قیزلرنینگ تمرینلریگه کمراق وقت بۉلگن بۉلسه-ده، لېکن شونگه قره‌مه‌ی، اۉشه چېکلنگن وقت بیز اوچون سپورتیمیزده اۉزیمیزنی یخشی درجه‌ده کوچه‌یتیریش و رواجلنتیریشیمیز اوچون چېکسیز امکانیت اېدی بو میدان. یېترلیچه مهارت تاپیب، ایچکی و خارجي ییریک مسابقه‌لرده قتنه‌شیشگه تیارله‌نیشیمیز اوچون قولی مکان ایدی». بو آره‌ده زحل مېن و اۉزیدن باشقه سپورت میدانیگه آلیب بارووچی ایکّی کۉچه‌ده مخصوص سپورت کییملرینی کيیب، همه نرسه‌گه پروا قیلمه‌ی یوگوریب یورگن اېرککلرگه اشاره قیله‌دی. سۉزلریده رشک تویغوسی تۉکیلیب: «اگر رخصت بېریشسه، بیز هم قیله آلردیک»، دېیدی. زحل و باشقه بیر پیتلر حرفه‌یی اۉینه‌گن قیزلرنینگ سپورتدن بیردنیگه و کوتیلمه‌گنده چېکینیشی اولرنینگ روحیگه آغیر ضربه بېریب، یېرگه ییقیتدی.
چېکلاولر کیریتیلگنیدن بیر ییل اۉتیب، زحل آته‌سی نظارتی آستیده مشغولاتلرنی دوام اېتتیره‌دی. اما شوندن سۉنگ شاگردلری کمه‌ییشی نتیجه‌سیده یوزه‌گه کېلگن اقتصادي معمالر طفیلی زحل نینگ آته‌سی عایله‌سینی رۉزغارینی تأمینلش مقصدیده قۉشنی دولتلردن بیریگه کۉچیب اۉته‌دی و او یېرده ایشله‌ی باشله‌یدی. اونینگ اېنگ کتّه یاردمچیسی و البته اونینگ مشقلرینی بجریشده و سپورت مسابقه‌لرینی موافقلشتیریشده یۉلباشچیسی بۉلگن آته‌سی کېتگنیدن سۉنگ، زحل اوزاق وقت توشکونلیک دورینی باشدن کېچیره‌دی و شوندن سۉنگ او آته‌سینی “اوزاقدن” دعوت قیله باشله‌یدی. اېرته‌لبکی مشقنی ینه بجریشه‌دی؛ امید قیله‌منکی، بیر کون کېلیب اۉزیمنی المپیا مسابقه‌لری میدانیده، سېویملی سپورت توریده کۉرسم و حاضر سپورت بیلن شغللنه آلمه‌یدیگن اۉزی، عایله‌سی و مملکتی اوچون فخر کسب قیلیش آرزوسیده.
