جهان ساغلیقنی سقلش تشکیلاتی افغانستانده پولیوگه قرشی اویمه-اوی اېملشنی قَیته باشلشنی سۉره‌دی
۸صبح، کابل: جهان ساغلیقنی سقلش تشکیلاتی طالباندن افغانستانده پولیو (باله‌لر فلجی)گه قرشی اویمه-اوی اېملش کمپاینلرینی قَیته باشلشنی سۉره‌دی.
مذکور تشکیلات جمعه کونی، ۲۲-عقرب، اعلان قیلگن حساباتیده ۲۰۲۶-ییل باشیدن بویان افغانستانده باله‌لر فلجی ویروسینی یوقتیریش بیلن باغلیق ۲۵ ته حالت قید اېتیلگنینی معلوم قیلدی.
جهان ساغلیقنی سقلش تشکیلاتی‌نینگ قۉشیمچه قیلیشیچه، ۲۰۲۴-ییل اکتبر آییدن بېری اوشبو کمپنیلر‌نینگ تۉخته‌تیلیشی برچه باله‌لرگه، اینیقسه کیچیک یاشده‌گی باله‌لرگه یېتیب باریشنی قیینلشتیرگن.
تشکیلات دایمی ساغلیق مرکزلریده اۉتکزیله‌یاتگن کمپاین برچه باله‌لرنی قمره‌ب آلالمسلیگینی و بو‌نینگ عاقبتیده اولر‌نینگ بیر قِسمی واکسین آلیشدن محروم بۉلیب قاله‌یاتگنینی تأکیدله‌دی.
جهان ساغلیقنی سقلش تشکیلاتی، اینیقسه افغانستان‌نینگ جَنوبی حدودلریده عیال واکسیناتورلرنینگ چېکلنگن اشتراکینی باله‌لرگه یېتیب باریشده‌گی باشقه معمالردن بیری صفتیده کۉرسه‌تدی.
جهان ساغلیقنی سقلش تشکیلاتیگه کۉره، عیال واکسیناتورلر آنه‌لر و باله‌لرگه یېتیب باریشده مهم رۉل اۉینه‌یدی.
حساباتگه کۉره، افغانستان جَنوبی اوشبو ویروس ترقه‌لیشی نقطه نظریدن همان اېنگ خواطرلی حدودلردن بیری بۉلیب قالماقده.
اهالی خوفسیزلیک درجه‌سی پستلیگی سببلی اوشبو حدودده ویروس‌نینگ یوقیشی همان کېنگ کۉلمده دوام اېتماقده.
