۸صبح کابل: ولادیمیر پوتین، رییس جمهور روسیه، در دیدار با امام علی رحمان، رییس جمهور تاجیکستان، در بیشکک بر همکاری‌های امنیتی دو کشور درباره افغانستان تاکید کرد.
به گزارش دفتر ریاست‌جمهوری روسیه (کرملین)، سه‌شنبه، ۱ سنبله، پوتین گفته که مسکو از نگرانی‌های تاجیکستان درباره وضعیت افغانستان آگاه است.
دو طرف همچنین درباره روابط دوجانبه و همکاری‌های اقتصادی، امنیتی و تحولات منطقه‌ای و بین‌المللی گفت‌وگو کردند.
پوتین روابط دو کشور را در سطح «شراکت راهبردی و اتحاد» توصیف کرده و از افزایش مبادلات تجاری خبر داد.
براساس گزارش، رحمان نیز روابط دو کشور را مثبت ارزیابی کرده و بر توسعه همکاری‌ها در حوزه‌های مختلف تاکید کرد.
در ادامه، رییس جمهور تاجیکستان آماده‌گی خود را برای گفت‌وگو درباره روابط دوجانبه و مسایل منطقه‌ای و بین‌المللی اعلام کرد.
گفتنی است که افغانستان از محورهای مهم نگرانی‌های امنیتی تاجیکستان در این رایزنی‌ها بود.
