اوکراین کوچلری نینگ جنوب جبهه‌سیده ۴۰۰ مترلیک آلغه باریشی
اوکراین ارتشی کی‌یف کوچلری بو مملکت نینگ جنوبیده روس کوچلری برابریده آلغه‌سیلجیشلری بۉلگنینی اعلان قیلگن، لېکن «آودیوکا» شرقی شهری اطرافیده روسیه نینگ ینگی هجوملرگه هم روپه ره بۉلگنلر.
اوکراین ارتش سۉزلاوچیسی اولکساندور استوپون نینگ پنج‌شنبه کونی ۱۹ اکتوبرده ایتیشیچه، بو مملکت نینگ حربی کوچلری «ویربوف» جنوب غربی تامانیگه چمه‌سی ۴۰۰ متر زاپروژیا منطقه‌سیگه قرب ایلگری بارگنلر.
رویترزنینگ گزارش قیلیشیچه، استوپون نینگ اوکراین تلویزیونیگه جنوب ساری ایلگری باریش آقیمی ماین موجودلیگی و روسیه‌لیک حربیلرنینگ مستحکم مدافعه‌سی باشقه بیر قیینچیلیک دېب کۉرستگن.
عین حالده، امریکالیک بیر اندیشکده و غیر انتفاعی بۉلگن تېکشیروو گروهی اوروش مطالعات موسسه‌سی، اوکراینلیک کوچلر خرسون جنوبی منطقه‌سیده‌گی دنیپرو دریاسی چپ قیرغاغی تامان نفوذ قیلگنلرینی کۉرسته‌دی دېب معلوم قیلگن.
اوکراینلیک حربی کوچلر اۉتگن ییل خرسون منطقه‌سی ایریم بۉلیملرینی روسیه‌لیک حربی کوچلر تصروفیدن چیقاریب آلگن اېدی.
باشقه تاماندن اوکراینلیک بلند مرتبه‌لی رسمیلر بو مملکت نینگ شرقی جبهه‌سیده ایلگری باریش سېکین اېکنیدن خبر بېرگنلر. اوکراین ارتشی نینگ معلوم قیلیشیچه، کوچلری «کوپیانسک» و «آودیوکا» شهرلری یقینیده مسکو حربیلری تهدیدی آستیگه آلینگنلر.
اوکراین ارتش سۉزلاوچیسی نینگ بو خصوصیده ایتیشیچه، «اولر آودیوکا شهرینی قورشاوگه آلیش مقصدیده‌گی تلاشلرینی توخته‌مه‌ی اۉز باسیملرگه همان دوام بېره‌دیلر. اولر ینگیدن ییغیلیب ینه ینگی هجوملرنی باشله‌گنلر.»
عین حالده، اوکراین دفاع وزیرلیگی سابق اۉرین بساری هانا مالیار، روسیه نینگ شرقی چیزیغگه هجوم قیلیشدن مقصدی، کی‌یف‌نی باشقه جایلردن بو منطقه‌گه ینگی کوچلرنی آلیب کېلیشگه اونده‌ش دیر دېدی.
شونینگدیک چمه‌سی تورت آی آلدین اوکراینلیک حربی کوچلر قۉلدن کېتگن منطقه‌لرنی قیتریب آلیش حربی عملیاتینی اعلان قیلمسدن باشلب یوبارگن اېدی.
غربی رسمیلرنینگ سۉزلریگه کۉره، اوشبو مدت ایچیده منطقه‌لرنی قۉلگه کیریتیش سعی وحرکتلری هنوزگچه دېیرلی نتیجه آلیب کېلمه‌گن.