اوچا: اوچ ته ولایتده ۸ مینگ کیشی تازه ایچیملیک سوویدن فایده‌لنیش امکانیتیگه اېگه بۉلدی
۸صبح، کابل: بیرلشگن ملتلر تشکیلاتی‌نینگ انسانپرورلیک یاردملرنی موافقلشتیریش باشقرمه‌سی (اوچا) بدخشان، بغلان و تخار ولایتلری‌نینگ اَیریم حدودلریده ۸ مینگ کیشی تازه ایچیملیک سوویدن فایده‌لنیش امکانیتیگه اېگه بۉلگنینی معلوم قیلدی.
اوچا پنج‌شنبه کونی، ۳۰ میزان، اوشبو لایحه افغانستان انسانپرورلیک جمغرمه‌سی یاردمیده عملگه آشیریلگنینی بیلدیردی.
لایحه دایره‌سیده بدخشان، بغلان و تخار ولایتلری‌نینگ اَیریم حدودلریده سوو تأمیناتی تیزیملری قوریلگن.
اوشبو تشکیلات افغانستانده میلیونلب آدملر تازه ایچیملیک سووی منبعلری یېتیشمسلیگیدن اذیت چېکه‌یاتگنینی و تازه سووگه اېگه بۉلیش عایله‌لر اوچون کونده‌لیک معماگه ایلنگنینی قۉشیمچه قیلدی.
اوچا ماسلشووچه‌ن و آلدیندن رېجه‌لشتیریش ممکن بۉلگن مالیوی یاردم اېنگ ضعیف جماعه‌لرگه حیاتی مهم یاردم یېتکزیش امکانینی بېریشینی تأکیدله‌دی.
