هلمندده ۳۰ یاشلی ییگیت اقتصادی قیینچیلیکلر طفیلی اۉزینی اۉلدیردی
۸صبح، هلمند: محلی منبعلر‌نینگ خبر بېریشیچه، هلمند ولایتیده ۳۰ یاشلی ییگیت قشّاقلیک و اقتصادی معمالر طفیلی اۉزینی اۉلدیرگن.
منبعلر یکشنبه کونی، ۲۴-عقرب، ۸صبح گزېته‌سیگه بېرگن صحبتیده اوشبو واقعه اۉتگن شنبه کونی هلمند ولایتی‌نینگ بهرامچه تومنیده صادر بۉلگنینی معلوم قیلگن.
منبعلر‌نینگ سۉزلریگه کۉره، احمدو‌لی اسملی اوشبو ییگیت اوزاق وقتدن بېری ایشسیز بۉلگن همده مالیوی معمالر و قرضدارلیک سببلی اۉزینی آسیب، اۉلدیرگن.
اوشبو حادثه سۉنگگی بېش ییل ایچیده افغانستانده اقتصادی معمالر، ایشسیزلیک و قشّاقلیک کوچه‌ییب، مملکت وطنداشلری‌نینگ جدّی معمالریدن بیریگه ایلنگن بیر پیتده یوز بېرماقده.
