امیدسبز شهرچه‌سیده باسیملر‌نینگ کوچه‌ییشی؛ ایکّی محله وکیلی طالبان قماقخانه‌سیده سقلنماقده
۸صبح، کابل: منبعلر‌نینگ خبر بېریشیچه، کابل غربیده‌گی امیدسبز شهرچه‌سی‌نینگ ایکّی محله وکیلی طالبان عدلیه وزیرلیگیگه چقیرتیریلگنیدن سۉنگ، تخمیناً بیر هفته‌دن بېری حبسده سقلنماقده.
منبعلر یکشنبه کونی، ۲۴ عقرب، ۸صبح گزېته‌سیگه بېرگن صحبتیده «عبدالرازق مصدق» و «وکیل جعفری» اۉتگن هفته ینه ایکّی محله وکیلی بیلن بیرگه طالبان عدلیه وزیرلیگیگه چقیرتیریلگنی و شوندن سۉنگ حبسگه آلینگنینی معلوم قیلدی.
منبعلرگه کۉره، قالگن ایکّی وکیل امیدسبز شهرچه‌سینی بۉشه‌تیشگه راضی بۉلیب، تېگیشلی فورمنی امضاله‌گنیدن سۉنگ یکشنبه کونی آزاد قیلینگن.
بیراق «عبدالرازق مصدق» و «وکیل جعفری» هنوز حبسده قالماقده و حاضرگچه اولر‌نینگ آزاد اېتیلگنی حقیده هېچ قنده‌ی خبر ترقه‌تیلمه‌گن.
منبعلر‌نینگ تاکیدلشیچه، اوشبو ایکّی وکیل‌نینگ عایله اعضالری اولر حبسگه آلینگن وقتدن بېری اولر‌نینگ احوالی و سقلنه‌یاتگن جایی حقیده هېچ قنده‌ی معلوماتگه اېگه اېمس.
اوشبو حبسگه آلیشلر طالبان سبز شهرچه‌سی یېرلرینی «امیرلیک ملکی» دېب اعلان قیلگنی و اوی اېگه‌لریدن اۉز اویلرینی بۉشه‌تیشنی طلب قیلگن بیر پیتده یوز بېرماقده.
