کاپیسا ده بیر کیشی آته‌سینی اولدیردی
کاپیسا ده طالبان امنیه قوماندان‌لیگی، اوشبو ولایت ده ۳۵ یاشر بیر کیشی آته‌سینی آو قورالی بیلن آتیب اولدیرگنینی معلوم قیلگن.
بو واقعه ۱۹-جدی، سه‌شنبه کونی، توش ده ساعت ۱۲:۰۰ اطرافی ده، نجراب تومنی حدودلری گه قره‌شلی «دره افغانیه» ده یوز بیرگن.
طالبان امنیه قوماندان‌لیگی بیر بیانیه ترقه‌تیب ایتیشیچه، حمیدالله اسملی اوشبو کیشی آته‌سی نی «یوزی» گه آتگن.
بیانیه اساسیده، واقعه عیبلنگن کیشی طالبان تامانیدن قولگه آلینگن.
ایتیش کیره‌ک، طالبان ایکینچی مرته قدرت نی آلیشیدن کیین مملکت نینگ تورلی منطقه‌لریده عایله‌وی زوروانلیک‌لر آشگن.
ایش بیلرمان‌لر قشاق‌لیک و ایش‌سیزلیک نی بو کبی واقعه‌لر کوپه‌یش دلیلی عنوان قیله‌دیلر.