یونیسف: هر بیر باله ساغلام و پولیوسیز حالده اولغه‌ییش حقوقیگه اېگه
۸صبح، کابل: بیرلشگن ملتلر تشکیلاتی‌نینگ باله‌لرنی قۉللب-قۉتلش جمغرمه‌سی (یونیسف) افغانستاندهگی وکالت‌خانه‌سی خلق‌ارا پولیوگه قرشی کوره‌ش کونی مناسبتی بیلن هر بیر باله ساغلام اولغه‌ییش و پولیو (باله‌لر فلجی) خوفیدن حمایه‌لنیش حقوقیگه اېگه اېکنینی بیلدیردی.
یونیسف شنبه کونی، ۲ عقرب، پولیوگه قرشی کوره‌شیش و باله‌لرنی اوشبو کسللیکدن حمایه قیلیش مهم‌لیگینی تأکیدله‌دی.
اوشبو تشکیلات قۉشیمچه قیلدی: «کېلینگ، اوشبو کسللیککه قرشی کوره‌شیش باره‌سیده‌گی مجبوریتیمیزنی ینگیله‌یلیک و فرزندلریمیز اوچون پولیودن بوش کېله‌جکنی تأمینله‌یلیک».
پولیو یوقوملی ویروسلی کسللیک بۉلیب، اساسا بېش یاشگچه بۉلگن باله‌لرنی ضررله‌یدی و دایمی فلجلیککه آلیب کېلیشی ممکن.
اېملش اوشبو کسللیک‌نینگ آلدینی آلیش‌نینگ اساسی اصولی حسابلنه‌دی. باله‌لرنی حمایه قیلیش اوچون پولیوگه قرشی واکسین‌‌نینگ برچه تامچی‌لرینی تۉلیق آلیش مهم‌دیر.
