یونیسف وکیلی: افغانستانده سوو انقراضی کېسکینلشدی
۸صبح، کابل: بیرلشگن ملتلر تشکیلاتی‌نینگ باله‌لرنی قۉللب-قۉتلش جمغرمه‌سی (یونیسف)نینگ افغانستاندهگی وکیلی تاج‌الدین اویوالی، مملکتده سوو انقراضی کوچه‌ییب باره‌یاتگنینی معلوم قیلدی.
او شنبه کونی، ۲ عقرب، اقلیم اۉزگریشی، طلب‌نینگ آرتیشی، مبلغ و آست-قورمه‌لر‌‌نینگ یېتیشمسلیگی، سوو منبعلریدن حددن تشقری کۉپ فایده‌لنیش همده اولرنی ثمره‌سیز باشقریش اوشبو انقراض‌نینگ کوچه‌ییشیگه سبب بۉله‌یاتگنینی اَیتدی.
اویوالی افغانستاندهگی باله‌لر و جماعه‌لر سوو انقراضی‌نینگ عاقبتلریدن ضرر کۉره‌یاتگنینی قۉشیمچه قیلدی.
او یونیسف‌نینگ افغانستاندهگی سوو انقراضی بۉییچه بریفینگیده اشتراک اېتگن اعضا دولتلر، دونرلر و خلق‌ارا مالیه انستیتوتلریگه منّتدارلیک بیلدیردی.
سۉنگگی ییللرده سوو انقراضی افغانستاندهگی جدّی معمالردن بیریگه ایلندی و اهالی‌نینگ سوو منبعلریدن فایده‌لنیشینی ینه‌ده قیینلشتیردی.
