پولیونی یۉق قیلیش یۉلیده‌گی معمالر؛ یونیسف: مینگلب باله‌لر واکسین آلیشدن محروم قالماقده
۸صبح، کابل: بیرلشگن ملتلر تشکیلاتی‌نینگ باله‌لرنی قۉللب-قۉتلش جمغرمه‌سی (یونیسف) اوشبو کسللیککه قرشی کوره‌شده سېزیلرلی یوتوقلرگه اېریشیلگنیگه قره‌مه‌ی، دنیا بۉیلب مینگلب باله‌لر هنوز پولیوگه قرشی واکسین آلیشدن محروم اېکنینی معلوم قیلدی.
اوشبو تشکیلات شنبه کونی، ۲۴ اکتوبر، ماجرالر، ساغلیقنی سقلش تیزیملری‌نینگ ضعیفلیگی و مبلغ یېتیشمسلیگی پولیونی بوتونله‌ی یۉق قیلیشگه قره‌تیلگن سعی-حرکتلرگه تۉسقینلیک قیله‌یاتگنینی بیلدیردی.
یونیسف‌نینگ قۉشیمچه قیلیشیچه، آلیس حدودلرگه یېتیب باریشده‌گی قیینچیلیکلر و واکسین‌لر حقیده‌گی ناتۉغری معلوماتلر هم باله‌لرنی اېملشگه خلل بېرماقده.
تشکیلات افغانستان و پاکستان پولیو هلی هم بوتونله‌ی یۉق قیلینمه‌گن یگانه دولتلر اېکنینی تأکیدله‌دی.
اوشبو تشکیلات معلوماتیگه کۉره، ۱۹۸۸-ییلدن بویان پولیو بیلن کسللنگن باله‌لر سانی ۹۹،۹ فایزگه کمه‌یگن. بیراق دنیا بۉیلب مینگلب باله‌لر هنوز اوشبو کسللیککه قرشی واکسین آلیشدن محروم قالماقده.
یونیسف هر ییلی بوتون دنیا بۉیلب ۴۰۰ میلیوندن آرتیق باله‌نی اېملشگه کۉمکلشیشینی قۉشیمچه قیلدی.
