غزنیده محلی اهالی تامانیدن قریب اوچ میلیون افغانی قیمتیده‌گی کۉپریک قوریلدی
۸صبح، غزنی: غزنی ولایتیده‌گی محلی منبعلر اوشبو ولایت‌نینگ جاغوری تومنیده بیر کۉپریک قوریلیشی ایشلری یکونلنگنینی معلوم قیلدی.
منبعلر شنبه کونی، ۱۴-سنبله، ۸صبح گزېته‌سیگه بېرگن صحبتیده اوشبو کۉپریک غزنی ولایتی‌نینگ جاغوری تومنیده‌گی علی سعید قیشلاغیده قوریلگنینی اَیتیشدی.
منبعلر‌نینگ اَیتیشیچه، اوشبو کۉپریکنی قوریشگه قریب اوچ میلیون افغانی صرفلنگن و خرجتلر‌نینگ اساسی قِسمی محلی اهالی‌نینگ بیر نفری تامانیدن مالیه‌لشتیریلگن.
منبعلر قۉشیمچه قیلیشیچه، کۉپریک قوریلیشی یکونلنگچ، بیر نېچه ته قیشلاق بیر-بیری بیلن باغلنگن و اهالی‌نینگ قتناو معماسی هم برطرف اېتیلگن.
بو شوندی حالده دیر که جاغوری تومنی اهالیسی بوندن آلدین هم اۉنلب جماعت لایحه‌لرینی اۉز شخصی مبلغلری حسابیدن مالیه‌لشتیرگن.