جهان ساغلیقنی سقلش تشکیلاتی افغانستانده پولیو‌نینگ ۴۲ ته ایجابی حالتی قید اېتیلگنینی معلوم قیلدی
۸صبح، کابل: جهان ساغلیقنی سقلش تشکیلاتی (WHO) ۲۰۲۶-ییلده افغانستانده پولیوویروس‌نینگ بیرینچی توری بۉییچه ۴۲ ته ایجابی حالت قید اېتیلگنینی معلوم قیلدی.
اوشبو تشکیلات چهارشنبه کونی، ۲۹ میزان، جاری ییلده افغانستان و پاکستانده جمعی ۴۸ ته پولیو حالتی انیقلنگنینی خبر قیلدی. اولر‌نینگ ۴۲ ته سی افغانستانده، قالگن آلتیته‌سی اېسه پاکستانده قید اېتیلگن.
حساباتگه کۉره، ۲۰۲۵-ییلده هم اوشبو ایکّی مملکتده جمعی ۵۲ ته پولیو حالتی قید اېتیلگن بۉلیب، اولردن ۲۱ ته سی افغانستانده، ۳۱ ته سی اېسه پاکستانده انیقلنگن.
جهان ساغلیقنی سقلش تشکیلاتی، شونینگدېک، ۲۰۲۶-ییلده افغانستانده پولیو بیلن باغلیق ینه آلتی ته ینگی ایجابی حالت انیقلنگنینی معلوم قیلدی. اولر‌نینگ اوچته‌سی قندهارده، ایکّیته‌سی ننگرهارده و بیرته‌سی کابلده قید اېتیلگن.
بیرلشگن ملتلر تشکیلاتی‌نینگ انسانپرورلیک یاردملرینی موافقلشتیریش باشقرمه‌سی (اوچا) هم افغانستانده پولیو بیلن کسللنیش حالتلری‌نینگ اکثریتی مملکت‌نینگ جَنوبی و شرقی حدودلریده قید اېتیلگنینی بیلدیرگن اېدی.
اوچا حساباتیگه کۉره، هلمند، قندهار و ننگرهار ولایتلریده اېنگ کۉپ حالت قید اېتیلگن.
