بیرلشگن ملتلر تشکیلاتی: بامیانده ۷۰ نفر عیالگه قالین تۉقیشنی اۉرگنیش امکانیتی یره‌تیلدی
۸صبح، کابل: بیرلشگن ملتلر تشکیلاتی‌نینگ قاچقینلر ایشلری بۉییچه عالی کمیسارلیگی (UNHCR) بامیان ولایتیده ۷۰ نفر عیال مخصوص اۉقوو دستوری آرقه‌لی قالین تۉقیشنی اۉرگنه‌یاتگنینی معلوم قیلدی.
اوشبو تشکیلات چهارشنبه کونی، ۲۹ میزان، ایکس صحیفه‌سیده مذکور دستور ایتالیا تشقی ایشلر وزیرلیگی یاردمیده یۉلگه قۉییلگنینی یازدی.
دستوردن مقصد عیاللرگه قالین تۉقیش مهارتینی اۉرگه‌تیش و اولرگه درآمد تاپیش امکانیتینی یره‌تیشدن عبارت. بو آرقه‌لی عیاللر اۉز عایله‌لرینی مادّی جهتدن قۉللب-قوّتلشلری ممکن.
قۉشنی مملکتلردن قَیتیب کېلگن عیاللر هم اوشبو دستورگه جلب اېتیلگن. دستور اولرگه قالین تۉقیش کۉنیکمه‌لرینی اېگه‌للش، درآمد تاپیش و عایله‌لرینی مالیوی قۉللب-قوّتلش امکانینی بېره‌دی.
عینی پیتده افغانستانده عیاللر و قیزلر تعلیم آلیش، ایشلش همده اجتماعی حیاتده اشتراک اېتیش باره‌سیده کېنگ کۉلملی چېکلاولرگه دوچ کېلماقده. اولر‌نینگ کۉپچیلیگی ایش تاپیش و درآمد آلیش امکانیتلریدن فایده‌لنیشده جدّی قیینچیلیکلرگه دوچ کېلماقده.
