بیرلشگن ملتلر تشکیلاتی: افغانستانده مخدره مادّه‌لرنی استعمال قیلیش بیلن باغلیق معمالرنی حل اېتیش اوچون ۵۵۱ نفر طبیات خادیمی اۉقیتیلدی
۸صبح، کابل: جهان ساغلیقنی سقلش تشکیلاتی (WHO) اروپا اتفاقی یاردمیده و همکارلری بیلن همکارلیکده افغانستان بۉیلب «مادّه‌لرنی استعمال قیلیش بیلن باغلیق بوزیلیشلر»دن اذیت چېکه‌یاتگن شخصلر اوچون طبی خدمتلر کوچه‌یتیریلگنینی معلوم قیلدی.
اوشبو تشکیلات چهارشنبه کونی، ۲۹ میزان، اۉزی‌نینگ ایکس صحیفه‌سیده مذکور دستور باشلنگنیدن بویان مملکت بۉیلب ۱۹۲ نفری عیال بۉلگن جمعی ۵۵۱ نفر طبیات خادیمی اۉقیتیلگنینی یازدی.
جهان ساغلیقنی سقلش تشکیلاتی‌نینگ تأکیدلشیچه، اوشبو اۉقیتیشلر مادّه‌لرنی استعمال قیلیش بیلن باغلیق بوزیلیشلر همده روحی سلامتلیک بیلن باغلیق معمالرنی انیقلش و باشقریشنی یخشیلش مقصدیده معتادلرنی دوالش مرکزلریده اۉتکزیلگن.
تشکیلات‌نینگ قۉشیمچه قیلیشیچه، بو سعی-حرکتلر صفتلی طبی یاردم کۉرسه‌تیش و ضرر کۉرگن شخصلر‌نینگ ساغه‌ییش جریانینی قۉللب-قوّتلش اوچون طبی خدمتلر صلاحیتینی آشیرگن.
جهان ساغلیقنی سقلش تشکیلاتی اوشبو خدمتلرنی کوچه‌یتیریش مادّه‌لرنی استعمال قیلیش بیلن باغلیق بوزیلیشلردن اذیت چېکه‌یاتگن شخصلر و جماعه‌لر‌نینگ احتیاجلریگه ینه‌ده ثمره‌لی جواب بېریشگه یاردم بېریشینی تأکیدله‌دی.
