خلق‌ارا مهاجرت تشکیلاتی: هرات و ننگرهار ولایتلریده ۴۱۶ ته عایله‌گه باش‌پناه‌لرینی یخشیلش اوچون یاردم کۉرسه‌تیله‌دی
۸صبح، کابل: خلق‌ارا مهاجرت تشکیلاتی (IOM) افغانستانده هرات و ننگرهار ولایتلریده‌گی ۴۱۶ ته عایله‌گه باش‌پناه شرایطلرینی یخشیلش و خوفسیزراق حیات کېچیریش امکانیتینی یره‌تیش اوچون یاردم کۉرسه‌تیلیشینی معلوم قیلدی.
اوشبو تشکیلات چهارشنبه کونی، ۲۹ میزان، بو یاردملر اروپا اتفاقی همده بیرلشگن ملتلر تشکیلاتی‌نینگ افغانستان بۉییچه مخصوص جمغرمه‌سی (UN-STFA) یاردمیده تقدیم اېتیلیشینی بیلدیردی.
خلق‌ارا مهاجرت تشکیلاتی‌نینگ قۉشیمچه قیلیشیچه، یاردم عایله‌لر اوچون وقتینچه‌لیک باش‌پناه‌لر قوریش، موجود باش‌پناه‌لرنی ترمیملش و یخشیلش آرقه‌لی خوفسیزراق یشش شرایطلرینی یره‌تیشنی اۉز ایچیگه آله‌دی.
تشکیلات‌نینگ تأکیدلشیچه، اوشبو یاردمدن مقصد عایله‌لر‌نینگ اوی-جایلرینی مستحکملش و اولر‌نینگ یشش شرایطلرینی یخشیلش اوچون امکانیت یره‌تیشدن عبارت.
