افغانستان نینگ پاکستان گه صادرات رقمی ۷۲ فایز کمه‌یشی
پاکستان دولت بانکی (SBP)، افغانستان نینگ پاکستان گه صادرات رقمی میلادی ۲۰۲۲-ییل گه نسبتن اوتگن ییل نینگ دستلبکی بیش آیی ده ۷۲.۳۴ فایز کمه‌یگنینی معلوم قیلگن.
دیلی‌تایمز ۱۹-جدی، سه‌شنبه کیچه، اوشبو مدت ایچیده افغانستان نینگ پاکستان گه صادرات رقمی ۳.۱۸۷ میلیون دالر ثبت بولگنینی ایتگن.
گزارش ده کیلیشیچه، اوتگن میلادی ییل ده افغانستان نینگ پاکستان گه صادراتی بیر ییل اولی گه نسبتن ۶.۱۱ فایز کمه‌یگن.
بو گزارش اساسیده، افغانستان نینگ بو مملگت گه صادراتی اکتوبر آیی گه قره‌گنده نوامبر آیی ده ۵۲.۷۲ فایز کمه‌یگنینی کورسته‌دی.
شو بیلن بیرگه، پاکستان نینگ افغانستان گه صادراتی ۲۰۲۲-ییل گه نسبتن ۲۰۲۳-ییل نینگ دستلبکی بیش آیی ده ۹.۱۰ فایز آشگن.
اس‌بی‌پی نینگ گزارشی اساسیده، ۲۰۲۳-ییل ده پاکستان نینگ افغانستان گه توپلم صادرات رقمی ۲۳۲.۶۹۶ میلیون دالر بولگن، عین‌حالده ۲۰۲۲-ییل ده ۲۱۳.۲۸۲ میلیون دالر قید ایتیلگن.
شونینگدیک، پاکستان دولت بانکی نینگ کوپه‌یتیریشیچه، ۲۰۲۳-ییل ده بو مملکت نینگ افغانستان گه صادرات رقمی ۲۰۲۲-ییل گه نسبتن ۳۷.۲۶۳ فایز دن ۳۹.۳۰ فایز آشگن.
ایتیش کیره‌ک، میلادی اوتگن ییل ده پاکستان دولتی اسلام‌آباد و طالبان آره‌سیده آتیشمه‌لر سبب نیچه مرته اوز چیگره‌لرینی افغانستان سوداگرلری نینگ تجاری توارلری یوزی گه یاپگن ایدی.
طالبان بو گزارش خصوصیده حاضرگچه فکر-ملاحظه بیلدیرمه‌گن.
اوشبو گروه بوندن آلدین، افغانستان نینگ صادراتی قوشنی اولکه‌لر اینیقسه پاکستان گه آشگنیدن خبر بیرگن ایدی.