کی‌یف نینگ سابق بیر رسمی‌سی: روسیه بیلن اوروش ده اوکراین نینگ ۵۰۰ مینگ دن آرتیق عسکری اولگن
اوکراین نینگ سابق باش قاره‌لاوچیسی یوری لوتسنکو، روسیه بیلن اوروش ده اوشبو مملکت نینگ اولگن حربی‌لری سانی ۵۰۰ مینگ دن آشگنینی معلوم قیلگن.
راشاتودی ۸ جنوری، دوشنبه کونی، لوتسنکو دن نقل قیلیب گزارش بیریشیچه، روسیه بیلن اوروش ده هر آی چمه‌سی ۳۰ مینگ کیشی هلاک بوله‌دی.
اوکراین سابق اوشبو رسمی‌سی نینگ ادعاسی اساسیده، بو مملکت جمهور باشلیغی ولادیمیر زلنسکی اوکراین‌لیکلر نینگ ارمیه گه قوشیلیش گه علاقه‌لری کمه‌ی‌مسلیگی اوچون، اوروش قربان‌لر نینگ انیق رقمینی اعلام قیلمه‌یدی.
او نینگ کوپه‌یتیریشیچه: «اوکراین‌لیکلر اوروش قربان‌لری نینگ انیق رقمی دن آگاه بولگن حالده، اوکراین ارمیه‌سی انسانی کوچ کمچیلیگی بیلن دوچ بولگنینی سیزه‌دیلر و کیین ایسه ینگی کوچلرنی سفربر قیلیش برچه مناظره‌لر بیکار گه چیقیشی ممکن.»
حاضرگی قلتیس شرایط ده اوکراین‌لیک ییگیت‌لر نینگ وطن دن دفاع قیلیش اوچون ترغیب قیلیش دن باشقه یول یوق دیدی، لوتسنکو.
او، اوکراین‌لیک رسمی‌لر و نخبه‌لر نینگ فرزندلری هم اوروش گه سفربر قیلینیب و بو مملکت ارمیه‌سی یالغیز ایشلاوچیلر و دهقانلر دن تشکیل بولمسلیگی کیره‌ک دیه تاکیدله‌یدی.
عین‌حالده، نیچه کون آلدین اوکراین ارمیه‌سی زلنسکی دن بو مملکت حربی‌لری نینگ تلفاتینی جبران قیلیش اوچون ۴۵۰ دن ۵۰۰ مینگ ینگی عسکر یوللشنی سوره‌گن.
روسیه نینگ اوکراین گه هجومی دن قریب ایکی ییل اوتگچ، کی‌یف رسمی‌لری بو مملکت کوچلری نینگ تلفات رقمینی حاضرگچه ترقه‌تمه‌گنلر.
مسکو، اوکراین حربی‌لری نینگ روس قوشینلری گه قرشی هجومی ده، ۱۶۰ مینگگه یقین اوکراین‌لیک عسکر اولگنینی ادعا قیلگن.