مولوی عبدالکبیر بریتانیا شارژدافیری بیلن اوچره‌شووده لندن طالبان بیلن همکارلیک قیلشینی سوره‌گن
طالبان باش وزیرلیگی نینگ سیاسی اورین باسرلیک دفتری، مولوی عبدالکبیر افغانستان اوچون بریتانیا ایلچی‌لیگی نینگ شاژدافیری رابرت چارترن دکسن بیلن اوچره‌شگنیدن خبر بیرگن.
ارگ ایکس اجتماعی ترماغی ده ۲۱-جدی، پنج‌شنبه کونی، بیر بیانیه ترقه‌تیب بریتانیا دنیا گه یاردم بیریش اوچون بو گروه بیلن تعامل قیلیش مقصدیده سعی‌وحرکت قیلماقده دیب یازگن.
عین‌حالده، بریتانیا تشقی ایشلر وزیرلیگی، افغانستان اوچون بریتانیا ایلچی‌لیگی و دکسن، مذکور ایلچیخانه نینگ شارژدافیری، طالبان نینگ اوشبو رسمی‌سی بیلن مذاکره حقیده هیچ نرسه دیمه‌گنلر.
طالبان تامانیدن ترقه‌لگن خبرنامه ده کیلیشیچه، بو گروه و لندن مناسبتی دوستانه دیر و اولر بریتانیا و باشقه اولکه‌لر بیلن مثبت تعامل قیلیش نی ایسته‌یدیلر.
خبرنامه ده دکسن دن نقل قیلینیب یازیلیشیچه: «اوشبو اوچره‌شوو ده بریتانیا شارژدافیری، بو مملکت افغانستان ده دایمی صلح و ثبات برقرار ایتیلیش طرفداری دیر شونی اوچون جهان بیلن [طالبان] نینگ تعاملی و مناسبتی یخشی بولیش مقصدیده تلاش قیلماقده لیگینی ایتگن.»
بو اوچره‌شوو ده مولوی عبدالکبیر افغانستان اوچون بریتانیا ایلچی‌لیگی نینگ شارژدافیری دن بو گروه بیلن تعامل قیلیش‌لرینی سوره‌گن.
افغانستان طالبان حاکمیتی گه اوتیشی و بو مملکت دن ناتو کوچلری چیقیشی دن کیین، افغانستان ده بریتانیا ایلچیخانه‌سی نینگ فعالیتی توخته‌دی، بیراق مذکور مملکت بوندن آلدین نیچه مسئله حقیده طالبان رسمی‌لری بیلن اوچره‌شگن.
ایتیش کیره‌ک، سونگی ایکی ییل ده برچه شمول حکومت شکللنیشی، بشر حقلری اینیقسه عیاللر حقی نی رعایت قیلمسلیک و تروریزم گه قرشی کوره‌ش ده وعده‌لری گه عمل قیلمسلیگی اوچون حاضرگچه هیچ بیر مملکت تامانیدن تن آلینمه‌گن.