افغانستان عیاللر ترقیاتی بۉییچه اېنگ یامان مملکت دېب تن آلینگن
۸صبح، کابل: جارج تاون انستیتوتی و آسلو تینچلیک تدقیقات موسسه‌سی خلاصه‌لریگه کۉره، افغانستان عیاللر ترقیاتی بۉییچه دنیانینگ ۱۷۷ دولتی آره‌سیده اېنگ پست بالگه اېگه.
یواس نیوز ۲-عقرب سه‌شنبه‌گه اۉتر کېچه‌سی خبر بېریشیچه، جارج تاون عیاللر، تینچلیک و خوفسیزلیک انستیتوتی اشتراک اېتیش، عدالت و خوفسیزلیک، تعلیم، آنه‌لر اۉلیمی، بندلیک، تیزیملی زۉرآورلیک و جنسی زۉرآورلیک اساسیده ۱۷۷ مملکتده عیاللر نینگ حالتینی اۉرگنیب چیقدی.
اوشبو تدقیقات نتیجه‌لری بیرلشگن ملتلر تشکیلاتی، جهان بانکی و گالوپ سۉراو انستیتوتی کبی تشکیلاتلردن تۉپلنگن.
“افغانستانلیک عیاللر هر کونی ایش‌سیز، تعلیمسیز و خودمختارلیک‌سیز اویغانیب یشه‌یدیلر”، دېدی آسلو، تینچلیک و خوفسیزلیک بۉییچه تینچلیک تدقیقات مرکزی مدیری تورون ال تریگستاد. اوشبو حسابات نتیجه‌لریگه کۉره، طالبان افغانستان اوستیدن نظارتنی قَیته قۉلگه کیریتگندن کېین افغان عیاللری بیلن اېنگ یامان کۉرستکیچگه اېگه بۉلگن و بو مملکتده‌گی عیاللرنینگ احوالی تېزده یامانلشگن.
شو بیلن بیرگه، تدقیقات مدیری و اوشبو حسابات نینگ اساسی یازووچیسی النا اورتیز الکترون پُسته آرقه‌لی قۉشیمچه قیلدی: “عیاللر اشتراکی، عدالت و خوفسیزلیک نه‌فقط عیاللر معماسی، “عیاللر یخشی ایش قیلسه، جمعیتده همه یخشی ایشله‌یدی و بیز نینگ معلوماتلریمیز بونی تدریجی طرزده تصدیقله‌یدی.”
افغانستاندن کېین سوریه، سومالی، یمن، سودان، مرکزی افریقا عراق و کنگا جمهوریتی عیاللر اوچون اېنگ یامان دولتلر صفتیده تنیلگن.
دنمارک، سویس، سویدن، فلند، آیسلند، لوکزامبورگ، ناروی، اتریش، هالمند و ینگی زلاند ممکتلری خاتین- قیزلر اوچون اینگ یخشی دولتلر صفتیده تانیشتیریلگن.
اوشبو حساباتگه کۉره، امریکا ۱۶ پاغانه پستلب، ۲۱-ا‌ۉریندن ۳۷-ا‌ۉرینگه توشیب کېتدی.
بیرلشگن عرب امیرلیکلری ۲۲-ا‌ۉریننی اېگللب فرا‌نسه، بریتانیا و امریکادن آرتده قالدیردی.
عین حالده، بوندن نېچه وقت آلدین خلق ارا اقتصاد مجمعی افغانستاننی خاتین – قیزلر اوچون دنیا بۉیلب اینگ یامان دولت دن تانیشتیرگن اېدی.