امریکا پاکستانده‌گی افغانستانلیک قاچقینلرنی حمایت قیلیش اوچون۷۷ میلیون دالر یاردم بېرگن
۸صبح، کابل: امریکانینگ افغانستان بۉییچه مخصوص وکیلی توما‌س وست نینگ ایتیشیچه، جاری ییلده امریکا قۉشمه ایالتلری بیرلشگن ملتلر تشکیلاتی عالی کمیسارلیگی آرقلی پاکستانده‌گی افغان قاچقینلریگه ۷۷ میلیون دالر یاردم بېرگن.
۱۸ – قوس شنبه کونی کېچقورون وست نینگ ایکس صحیفه‌سیده امریکا خلق ارا مهاجرت تشکیلاتی آرقلی افغانستانده یقینده رۉی بېرگن زلزله قربانلریگه هم ۹ میلیون دالر یاردم قیلیگنی حقیده یازدی.
او پاکستان‌ده افغان قاچقینلری بیلن اوچره‌شگنینی و اولرنینگ حیاتی حقیده اېشیتگنینی ایتدی.
امریکانینگ افغانستان بۉییچه مخصوص وکیلی قاچقینلرنی حمایه قیلیشنی طلب قیلدی.
شو بیلن بیرگه، تام وست ۱۵- قوس، چارشنبه آقشامیده بیر قنچه مملکتلرگه، جمله‌دن پاکستان‌گه ۱۰ کونلیک سفری باشلنگنینی اعلان قیلدی.
اونینگ ایتیشیچه، سفریدن اساسی مقصد امریکانینگ اساسی همکارلری بیلن اوچره‌شیب، افغانستان نینگ سیاسی، خوفسیزلیک، اقتصادی و انسانی مسأله‌لرینی محاکمه قیلیش دیر.