امریکا تینچلیک انستیتوتی: افغانستان ینه بیر بار جَر یقاسیده تورگن دیر
۸صبح، کابل: امریکا تینچلیک انستیتوتیده‌گی یېریک اقتصادچی متخصصلر، افغانستان اقتصادی «ینه بیر بار جَر» یوز توته‌یپی دېب ایتگنلر.
بو قبیل اظهاراتلرنی اقتصادنی رواجلنتیریش متخصصی ویلیام برد و اوشبو انستیتوتده‌گی افغانستان و مرکزی آسیا بۉلیمی‌نینگ مدیری سکات وردن جمعه کونی ۲۶- عقرب تیلگه آلگنلر.
امریکا تینچلیک انستیتونده‌گی اقتصاد بوییچه متخصصلر دنیا بانکی‌نینگ افغانستان وضعیتی حقیده‌گی گزارشنی اوۉگنیب ایتیشلریچه، طالبلرنینگ حاکمیت تېپه‌سیگه کېلگنیدن ایکّی ییل اوتیشیگه قره‌مه‌ی، افغانستان هنوز هم جهانده‌گی اېنگ قشقاق مملکتلردن بیری دیر.
گزارشلرده قید ایتلیشیچه، ۲۰۲۱- ییلدن بویان طالبلر ۱۴۰ته فرمان صادر قیلگن و بونینگ ۹۰ ته‌سی فقط گینه خاتین قیزلرنینگ حقوقی و آزادلیکلری آغیر درجه‌ده چېکله‌نیشی اوچون چیقاریلگن.
ویلیام و سکات، خاتینلر افغانستان ایشچیلری صفیدن چیقاریلگنلر، افغانستان بانکی بۉلیمی سابق حکومت زمانیده هم مناسب بیر وضعیتده بۉلمه‌گن اېدی، حلی یامانراق بۉلگن مخدر ماده بدیلی نظرده توتیلمسدن اونینگ اېکیلیشی منع قیلیگنی افغانستان اقتصادی و عایله‌لر احوالینی آغیرلشتیرگن دېب ایتیگنلر.
اولرنینگ قوۉشیمچه قیلیشچه، افغانستان هنوزگچه انسان پرورلیک یاردملرگه محتاج و احتیاجمندلیک افغانستانلیک مهاجرلر پاکستان‌دن چیقاریلیشی آرتیدن ینه هم کوچه‌یگن دیر.
گزارشلرده، افغانستان اقتصادی اوزاق مدتلی رواجله‌نیشی اوچون بعضی بیر سیاسی تنلاولرگه احتیاج بار و طالبلر بونی نظرده توتیشی کېره‌کلیگی اوستیده تاکیدلنگن.
عین حالده، بیرلشگن ملتلر تشکیلاتی هر دایم افغانستان بشری بحران کوچه‌ییشی نقطه نظردن یامان حالتگه روپه ره ۉوییب تورگنینی حقیده آگاهلنتیریب کېلگن و بو مملکت جمعیتی‌نینگ یرمی جدی شکلده آزیق آوقت کملیگی بیلن روپه ره لر و قیش‌نینگ ساووغی هم میلیونلب آدمنی افغانستان‌دن مهاجرت قیلیشی یا آچرچیلیککه مقابل بۉلیشگه اونده‌یدی دېگن اېدی.
