خلقارا کېچیریم تشکیلاتی: افغانستان قیزلرینینگ بېش ییل تعلیمدن محروم قیلینیشی اولرگه نسبتاً عدالتسیزلیک دیر
۸صبح، کابل: خلقارا کېچیریم تشکیلاتینینگ جنوبی آسیا بۉییچه منطقوی ادارهسی افغانستانده میلیونلب قیزلرنینگ تعلیمدن محروم اېتیلگنیگه بېش ییل بۉلگنینی و بو چېکلاولر اولرنینگ آرزو و اینتیلیشلریگه تأثیر کۉرسهتگنینی اَیتدی.
اوشبو تشکیلات پنجشنبه کونی، ۲۶ سنبله، ایکس صحیفهسیده یازیشیچه، میلیونلب قیزلرنینگ تعلیمدن بېش ییل محروم اېتیلیشی بېش ییل دوام اېتگن عدالتسیزلیک همده اولرنینگ آرزو و اینتیلیشلرینینگ برباد بۉلیشی بیلن برابردیر.
افغانستان قیزلری بېش ییلدن بېری تعلیمدن محروم اېتیلگنیگه قرهمهی، اۉقیشنی دوام اېتتیریش و اوشبو چېکلاولرگه قرشیلیک کۉرسهتیش اوچون تورلی یۉللر بیلن حرکت قیلیشده دوام اېتماقده.
خلقارا کېچیریم تشکیلاتینینگ اَیتیشیچه، بیر قطار قیزلر ناراضیلیک نمایشلری اۉتکزیش، یشیرین آنلاین مرکزلرده تعلیم آلیش یاکه اۉقیشنی دوام اېتتیریش اوچون خارجگه کۉچیب کېتیش آرقهلی اۉز حرکتلرینی دوام اېتتیرگن.
اوشبو تشکیلات خلقارا همجمعیتینی افغان عیاللری و قیزلری بیلن بیرگه توریشگه همده طالباندن قیزلر مکتبلرینی زودلیک بیلن قَیته آچیشنی طلب قیلیشگه چقیرگن.
