اوچا: انسانپرورلیک یاردملر بودجهسینینگ قیسقریشی افغانستاندهگی ضرور خدمتلرنی کمهیتیرهدی
۸صبح، کابل: بیرلشگن ملتلر تشکیلاتینینگ انسانپرورلیک یاردملرنی موافقلشتیریش باشقرمهسی (اوچا) انسانپرورلیک یاردملر بودجهسینینگ قیسقریشی افغانستانده میلیونلب کیشیلرنینگ ضرور خدمتلردن فایدهلنیشینی قیینلشتیرگنینی اَیتدی.
اوشبو تشکیلات پنجشنبه کونی، ۲۶ سنبله، ایکس صحیفهسیده یازیشیچه، انسانپرورلیک یاردم بودجهسینینگ قیسقریشی بیلن افغانستان بۉیلب ضرور خدمتلرنی کۉرسهتیشده تاباره آرتیب بارهیاتگن بۉشلیقلر یوزهگه کېلگن.
اوچانینگ اَیتیشیچه، بو بۉشلیقلر آزیق-طعام، طبی خدمت، تعلیم، آزیقلنیش، تازه سوو و باشپناه کبی ساحهلرگه تأثیر کۉرسهتگن.
اوشبو تشکیلات قۉشیمچه قیلیشیچه، افغانستان بۉیلب میلیونلب کیشی آرتیب بارهیاتگن انسانپرورلیک احتیاجلرگه دوچ کېلماقده.
اوچا خلقارا همجمعیتنی انسانپرورلیک انقراضنی برطرف اېتیش اوچون چارهلر کۉریشگه چقیرگن.
