یونیسف: افغانستانده ایکّی میلیوندن آرتیق قیز تعلیم آلیشدن محروم قیلینگن
۸صبح، کابل: بیرلشگن ملتلر تشکیلاتینینگ بالهلرنی قۉللب-قوّتلش جمغرمهسی (یونیسف) افغانستانده سۉنگگی بېش ییل دوامیده ۲،۶ میلیوندن آرتیق قیز اۉرته تعلیم آلیشدن محروم قیلینگنینی معلوم قیلدی.
اوشبو تشکیلات پنجشنبه کونی، ۲۶-سنبله، ایکس صحیفهسیده افغانستان دنیادهگی اۉرته و عالی تعلیم قیزلر و عیاللر اوچون تقیقلنگن یگانه دولت اېکنینی یازدی.
یونیسف طالباننی تعلیم ساحهسیدهگی چېکلاولرنی بېکار قیلیشگه و برچه قیزلر همده عیاللرگه زودلیک بیلن مکتب و بیلیم یورتیلرگه قَیتیشلریگه رخصت بېریشگه چقیردی.
تشکیلات قیزلرنینگ تعلیمدن محروم قیلینیشی بالهلر، عایلهلر و افغانستان کېلهجگی اوچون کېنگ کۉلملی عاقبتلرگه آلیب کېلیشینی تاکیدلهدی.
طالبان ۲۰۲۱-ییلده حاکمیتنی قَیته اېگهللهگنیدن بېری آلتینچی صنفدن یوقاری بۉلگن قیزلرنینگ تعلیم آلیشینی تۉختهتگن، شونینگدېک، عیاللرنینگ بیلیم یورتیلرده تحصیل آلیشیگه هم تقیق قۉییلگن.
یونیسف بیر نېچه بار افغانستانده قیزلر و عیاللر اوچون مکتب و بیلیم یورتیلرنی قَیته آچیشگه چقیریب، تعلیمنی اولرنینگ اساسی حقوقلریدن بیری دېب حسابلشینی بیلدیرگن.
