بلومبرگ: دنیا جماعه‌چیلیگی نینگ افغانستانگه یوباره‌دیگن میلیاردلب یاردمی افغانی پول بهاسی سقله‌نیشیگه سبب بۉلگن
۸صبح، کابل: بلومبرگ نینگ گزارش بېریشیچه طالبلر حکمرانلیگی آستیده دنیا جماعه‌چیلیگی نینگ افغانستانگه انسان پرولیک یاردملر بۉییچه کۉرسته‌جک میلیاردلب دالر کمکی افغانی پول بهاسی خارجی پوللر اینیقسه امریکا دالری مقابلیده بهاسینی سقلب توریشیگه سبب بۉلگن دېگن.
بلومبرگ سه‌شنبه کونی ۴ سنبله‌ده اۉزی نینگ گزارشیده ایتیشیچه، طالبلر آرقلی انسان حقوقلری اېنگ یامان بیر حالتده آیاق آستی بۉلیب تورگن افغانستان کبی بیر مملکتده افغانی پول نینگ خارچی پوللر برابریده بهاسی کۉتریلیشی، بو غیر عادی دیر.
بو رسانه، شونینگدیک افغانستان نینگ قۉشنی دولتلری بیلن تجارت میزانی آرتیشی افغانی پول ثباتی سقله‌نیشیگه کمک قیلگن دېب یازگن. بلومبرگ، معامله‌لرده طالبلر رژیمی تامانیدن پاکستانی روپیه‌سی و امریکا دالریده معامله قیلیش نینگ منع اېتیلگنینی هم افغانی پول نینگ ثباتی سقله‌نیب توریشی اوچون باشقه بیر دلیل قیلیب کۉرستگن.
حاضرگی کونده، افغانستان بازارلریده امریکالیک بیر دالری ۷۸.۳۰ افغانی مقابلیده المشتیریله‌دی.
مملکت یشاوچیلری نینگ ایتیشیچه، امریکا دالری مقابلیده افغانی پول بهاسینی کۉتریلیشیگه قره‌مه‌ی، افغانستانده مصروف بۉلوچی تورلر (کالا) نرخی پسگه توشمه‌گن.
عین حالده، افغانستانده طالبلر قیته‌دن حکمرانلیککه کېلگنیدن بېری، دنیا جماعه‌چیلیگی هر هفته انسان پرولیک یاردملر نامی آستیده ۴۰ میلیون دالر بو مملکتگه یوباره‌دی.
