کابل و اسلام آبادده اۉزبېک تیلی نینگ ملی کونی نشانلندی
8صبح، کابل: مملکت نینگ بیر قنچه یشاوچیلری کابل و اسلام آبادده اۉزبېک تیلی نینگ ملی کونی بیره‌مینی تجلیل قیلدیلر.
بوگون (جمعه 29میزان) مملکتده اۉزبېک تیلی نینگ ملی کونیگه تېنگ دیر.
کابلده بوکوننی نشانلش مراسمیده اشتراک قیلگنلر اۉزبېک تیلی بۉییچه تحقیقات مرکزی آچیلیشی، اۉزبېکلر یشیدیگن منطقه‌لر مکتبلریده اۉزبېک تیلی بۉییچه معلملر کۉپیتیریلیشی و اۉزبېک طلبلریگه بو تیلده یازیلگن کتابلر چاپ قیلینیب ترقه‌تیلیشینی سۉره‌دیلر.
عین حالده، مملکت نینگ اۉنلب فرهنگی و یازوچیلری اسلام آبادده بو مناسبت بیلن ییغیلیب بو کوننی تجلیل قیلدیلر.
اولر بونده‌ی مراسملر اۉتکزیلیشینی ملی و منطقه‌وی تیللرنی تیریک سلقش اوچون کۉپ مهم دېگنلر.
اوشبو ایستکلر شونده‌ی بیر پیتده تیلگه آلینه‌دیکه، اۉتگن ییلده هم مملکت نینگ یازوچی همده فرهنگیلری اۉزبېک تیلی نینگ ملی کونیده بو قبیل ایستکلرنی بیلدیرگن اېدیلر.
عین حالده، هنوزگچه بو طلبلر عملگه آشیریلیشی اوچون طالبلرگه تېگیشلی اداره‌لر تمانیدن چاره تدبیر کۉریلمه‌گن.