سنتکام حوثی‌لر نینگ رادار بیر سایتی نشانگه آلینگنیدن خبر بیردی
امریکا حربی مرکزی قوماندان‌لیگی (سنتکام) بیر بیانیه ترقه‌تیب، امریکا قوشمه ایالت‌لری نینگ دینگیز کیمه‌سی کوچلری تامانیدن حوثی‌لر نینگ رادار بیر سایتی راکته بیلن نشانگه آلینگنینی معلوم قیلگن.
اسوشیتدپرس نینگ گزارشی اساسیده، بو هجوم ۱۳-جنوری، شنبه کونی بامداغ چاغی یمن ده اویوشتیریلگن.
سنتکام نینگ بیانیه‌سیده کیلیشیچه: «شنبه کونی ساعت ۳:۴۵ بامداد چاغی صنعا وقتی بیلن، امریکا حربی کوچلری یمن ده حوثی‌لر نینگ رادار بیر سایتی نی نشانگه آلگنلر. بو هجوم ناو یواس‌اس کارنی کیمه‌سی و تاماهاوک راکته‌لری بیلن عملگه آشیریلگن.»
امریکا مرکزی قوماندان‌لیگی گه کوره، مذکور هجوم مخصوص حربی بیر مقصد اوچون ریجه‌لشتیریلگن ایدی و سوداگرلیک کیمه‌لر گه هجوم قیلیش اوچون حوثی‌لر نینگ توانالیک‌لرینی ضعیف قیلیش مقصدیده عملگه آشیریلگن.
سنتکام، اوتگن ییل ۲۸- دسامبر دن حاضرگچه حوثی شبه‌نظامی‌لری قیزیل دینگیز و عدن خلیجی ده خلق‌ارا کیمه‌لر گه ۲۸ مرته هجوم قیلگنینی ایتگن.
امریکا و بریتانیا ۱۲-جنوری، جمعه کونی، یمن حوثی‌لری نی اوشبو مملکت نینگ قطار منطقه‌لری ده نشانگه آلگنلر.
بو ایکی مملکت علیحده ترقه‌تگن بیانیه‌لریده بو اقدام‌لریدن مقصد قیزیل دینگیز ده سوداگرلیک کیمه‌لر نی قوریقلش عنوان قیلگنلر.