باله‌لر نی قوتقریش صندیق: افغانستان خلقی اینگ آغیر آچلیک انقراض دن اذیت چیک‌ماقده
باله‌لر نی قوتقریش خلق‌ارا صندیغی (Save the Children)گه کوره، افغانستان خلقی اینگ آغیر آچلیک انقراض و توییب آوقت‌لنمسلیک دن اذیت چیک‌ماقده‌لر.
باله‌لر نی قوتقریش خلق‌ارا صندیغی اوشبو بیانات نی ۲۲-جدی، جمعه کیچه، ایکس اجتماعی ترماغی ده یازگن.
مذکور نهاد توییب آوقت‌لنمسلیککه چلینیش کسلی کوپه‌یشنی، قورغاقچیلیک و قشاقلیک عنوان قیلگن.
نیچه کون آلدین باله‌لر نی قوتقریش خلق‌ارا صندیغی، افغانستان ده باله‌لر نینگ اوچ دن بیر قسمی محنت‌چیلیک قیلیش گه مجبورلیگینی ایتگن ایدی.
بو گزارش اساسیده، یاردم بیرووچی نهادلر اوشبو باله‌لر نینگ ۴۰ فایز احتیاج‌لرینی تامینله‌ی آلمه‌گن.
بیرلشگن ملتلر تشکیلاتی نینگ باله‌لر دن حمایت قیلووچی صندیغی نینگ معلوماتی اساسیده، دنیا بویلب ۳۳۳ میلیون باله آغیر قشاقلیک بیلن تیریکچیلیک قیلماقده‌لر.