چین، نایجریاده سرمایه یاتقیزیشنی کۉپه‌یتیره‌دی
نایجریا جمهور رییسی دفتری نینگ اۉرین باسری، چین جمهور رییسی شی جین پینگ «بیر بېلباغ و یۉل» ییغینی نینگ آچیلیشیده افریقالیک بو مملکت‌ده برق ایشلب چیقاریش، اقتصاد و دیجتال بۉییچه سرمایه یاتقیزیش تۉغریسیده متعهد ایکنینی اظهار قیلیبدی دېب ایتماقده.
رویترزنینگ گزارش بېریشیچه، نایجریا جمهور رییسی معاونی دفتری کاشیم شتیما، بو مملکت نینگ علمی و انجنیری آستقورمه‌لری ملی آژانسی و چینلیک اوچ شرکت اۉرته‌سیده ایکّی میلیارد ارزش اېگه کېلیشووگه قۉل قۉییلگن دېب اعلان قیلدی.
بو دفترنینگ اعلامیه‌سیده یازیلیشیچه: «ینگی پروژه‌لر و اقتصادنینگ ایریم بۉلیملریده سرمایه یاتقیزیش اوچون باشقه تۉرت میلیارد دالرلیک تعهدنامه حقیده هم چمه‌سی کېلیشیگن.»
نایجریا آرتیب باره‌یاتگن قرض، یوقاری تورم و ایش‌سیزلیک بیلن یوزمه یوز بۉلگن بیر وقتده مملکت اقتصادی نینگ اۉسیشی و کوچه‌یتیریش مقصدیده سرمایه جلب اېتیشگه اینتیلماقده.
امضالنگن شرطنامه‌لر اتوموبیل تکنالوژی لایحه‌لری، قویاش انرژیسی محصولاتلری، یوقاری اونومدارلیکده‌گی اتوموبیللرنی لایحه‌لش و ایشلب چیقریش، اوچوچی‌سیز باشقریله‌دیگن اوچاقلر، تازه انرژیدن فایده‌لنیش و صناعت پارکینی رواجلنتیریشنی اۉز ایچیگه آله‌دی.
شونینگدېک نایجریا، لاگوسده «لیکی بلو» دېنگیز بندری قوریلیشی اوچون چین بندری انجنیرلیک شرکتی بیلن هم شرطنامه امضاله‌گن.
شو بیلن بیرگه، چین اۉتمیشده نایجریاده تېمیر یۉل و نایجریاده‌گی بانی آرالیده دېنگیز بندرینی قوریش مجبوریتینی آلگن، اما بو لایحه‌لر چین نینگ «اگزیم» بانکی و نایجریا پارلمانیدن رخصت آلگندن کېین تۉلاولرینی کوتماقده. .
«بیربېلباغ و یۉل» ییغینیده چین مالیه مجبوریتلری نینگ قیسقریشی طفیلی تۉختب قالگن ایکّیته تېمیر یۉل لایحه‌سینی یکونلشنی قَیته مالیه‌لشتیریشگه صادق قاله‌دی.