طالبان نینگ بیلیم بیلن عملی؛ تخار ده‌گی کتاب ساتووچیلر کتاب بازاری کسادلیگیدن خواطرده
طالبان ینگی‌لیکده کتاب ساتووچی دکان‌لر و نشریات‌لر دن مینگلب کتاب نی یېغیب و ناشرلرینی کلتکلش و قۉلگه آلیش گه تهدید قیلگن. طالبان نینگ اۉشبو بویروغی اساسیده، اېتنیک تاریخی، فلسفه و شیعه مذهب‌لر گه عاید اۉنلب عنوان کتاب بازار گه ساتیلیشی تقیق‌لنگن. افغانستان بۉیلب کتاب ساتووچیلر کتاب بازاری یۉق‌لیگی و اقتصادی قیېنچیلیکلردن نالیدیلر. ینگی‌لیکده تخار ولایتی مرکزی تالقان شهری ده کتاب ساتووچیلردن بیرقطاری، طالبان حاکمیتیدن کیېن بو ولایتده کتاب بازاری کسادلیک بیلن یۉزمه یۉز بولگنینی ایته‌دیلر. اولر گه کوره، قیزلر گه بیلیم حقی بیریلمسلیگی، یشاوچیلر نینگ ایش‌سیزلیگی و بو گروه تامانیدن یره‌تیلگن چېکلاولر تخار یشاوچیلری نینگ کتاب و مطالعه گه علاقه‌سی کمه‌ېب و کتاب بازاری کمه‌یشی گه سبب بولگن.
تالقان شهری ده کتاب ساتووچیلر دن بیرقطاری نینگ ایتیشلریچه، طالبان حاکمیتیدن کیېن قیزلر نینگ اۉقیش گه رخصت بیریلمسلیگی و یشاوچیلر نینگ کتاب ساتیب آلیش گه علاقه‌سیزلیگی باعث قیېن تجربه‌لر نی باش دن کېچیرماقده. اولر گه کوره، اۉشبو کونلر کتاب سوداسی کمه‌یگن یشاوچیلر و یاشلر اېنگ آز کتاب اۉقیش گه علاقه قیله‌دیلر.
تالقان شهری بلدیه‌سی چمنی چېتیده کتاب ساتووچیلیک دکان‌لری جایلشگن. بو مکان دن اۉتیش بیلن کتاب بازاری کسادلیکّه یوز توتیشینی اصلا سېزمه‌ی سیز. کتاب ساتووچیلر کۉنلر مجاز کیلیشینی کۉته‌دی و کۉپ وقتلری امیدسیز کتاب ساتیش دکان‌لری اېشیگینی ایرته‌گی کۉنگچه یاپه‌دیلر.
تالقان شهری ده کتاب ساتووچیلر دن مصطفا گه کوره، دکانی نینگ اجاره پولینی تولش توانی یوق دیر. او نینگ ایتیشیچه، جمهوریت توزومی ده هر کونی آلتی مینگ افغانی گچه سودا قیلردی، بیراق سودالری ایکی مینگ دن بیرمینگ و حتا ۵۰۰ افغانی گچه کمه‌یگن. مذکور کتاب ساتووچی نینگ ایتیشیچه، کمبغل‌لیک و ایش‌سیزلیکّه قوشیمچه، یاشلر نینگ انترنت و اجتماعی ترماق‌لر ن حد دن تشقری قوللنیشی اۉلر نینگ کتاب گه نسبتن علاقه‌سی کمه‌یش گه سبب بولگن.
تالقان شهری ده کتاب ساتووچیلر دن باشقه بیری معصوم رادمنش گه کوره، طالبان نینگ سۉنگی ایکی یېل حاکمیتیده کتاب سوداسی کسادلیک بیلن دۉچ بولگن. رادمنش جنابلری، تخار ده طالبان معلومات و مدنیت ریاستی مسئوللرینی بو ولایتده کتاب کۉرگزمه‌سی یولگه قویېلیشی اوچون همکارلیک قیلمسلیکّه عیبله‌یدی. او نینگ ایتیشیچه، طالبان بلدیه چمنیده کتاب کۉرگزمه‌سی یولگه قویېلیشی اوچون کتاب ساتووچیلر نینگ طلبینی رد قیلگنلر.
بو وضعیت دوام اېتگن حالده، کتاب ساتووچیلیک دکانلرینی یاپیب و باشقه اېش قیلیش‌لرینی ایته‌دیلر تالقان شهری ده‌گی کتاب ساتووچیلر.
عین‌حالده، تخار ولایتی کتاب ساتووچیلر اتفاقی گه کوره، بو ولایتده ۱۵۰ کتاب ساتووچیلیک دکان دن حاضرگچه ۱۲ ته‌سی یېگولیک ماده ساتیش گه اۉزگرگن و باشقه یېتی کتاب ساتیش دکانی یاپیلگن.
تالقان شهری ده کتاب ساتووچیلر اتفاقی مسوولی ثناالله ثنا ۸صبح کونده‌لیگی گه ایتیشیچه، قریب بیر هفته آلدین بو ولایتده بویوک کتاب ساتیش دکان‌لریدن بیری نینگ اېگه‌سی دایمی روشده کتاب ساتووچیلیک دن واز کېچدی. ثنا جنابلری نینگ کوپه‌یتیریشیچه، کتاب سوداسی سېزیلرلی درجه ده کمه‌یگن. اۉنگه کوره، یشاوچیلر نینگ مطالعه گه علاقه‌سی کمه‌ېش سبب‌لریدن بېری کمبغل‌لیک و اېش‌سیزلیک دیر.
شو بیلن بیرگه، تخار ده طالبان معلومات و مدنیت باشلیغی مولوی انصارالله انصار نینگ ایتیشیچه، اولر فرهنگی فعالیت‌لرنی رۉاجلنتیریش و کۉچلنتیریش اۉچون جدی دقت قیله‌دیلر. اوشبو یېل مطالعه فرهنگینی رواجلنتیریش اۉچون «تورت مراتبه امارت‌شناس‌لیک مسابقه‌سی» یولگه قویېلگنینی معلوم قیله‌دی. طالبان محلی اوشبو مقامی نینگ کوپه‌یتیریشیچه، کتاب ساتووچیلر نینگ حمایت قیلیش ریجه‌سینی معلومات و مدنیت وزیرلیگی گه یوللـه‌گنلر.
عین‌حالده، طالبان حاکمیتیده معلومات و مدنیت وزیرلیگی تامانیدن اسلام و مدنیت قدریت‌لری گه قرشی عنوانلی کتاب‌لر نی ییغیش اۉچون مخصوص کمیسیون شکللنگن. طالبان سۉنگی ایکّی یېل ده دایمی رۉشده سانسور، کتاب نی یېغیش، جعفری فقه اورگه‌تیلمسلیگی و دولت و بیلیم یورت‌لر ده حنفی فقه گه قرشی کتاب‌لر نی یېغیش گه دوام بیریب کیلگنلر. بو گروه افغانستان ده حاکمیت تېپه‌سیگه ایریشگندن کیېن مثل‌سیز درجه ده یشاوچیلر نینگ تیریکچیلیگی ساحه‌لریده اره‌لشیب، تعلیم و فکری چیکلاولری بیلن یشاوچیلر نینگ بیزاوته قیلگن.
یوزلب ناشر و کتاب‌فروش‌لر یېللر بۉیلب بو ساحه ده سرمایه یاتقیزگن، حاضر اقتصادی زیان گه قوشیمچه طالبان تامانیدن حبس و زولانه بولیش خوفی بیلن یۉزمه یوزلر.