اۉنلب طلبهلر تورکیهنینگ اۉقیش ویزهلری بېکار قیلینیشیدن خواطر بیلدیرماقده
۸صبح، کابل: کابلدهگی اۉنلب طلبهلر تورکیهگه اۉقیش اوچون بېریلگن ویزهلری بېکار قیلینگنینی دعوا قیلماقده.
اوشبو طلبهلر دوشنبه کونی، ۲۳ سنبله، ۸صبح گزېتهسیگه بېرگن صحبتیده بو جریاننی زودلیک بیلن و شفّاف طرزده تېکشیریشنی طلب قیلگن.
اولرنینگ اَیتیشیچه، هر بیر طلبه اېلچیخانه بیلن باغلیق خرجتلر اوچون ۲۲۰ امریکا دالری تۉلهگن.
طلبهلر حجتلرنی ترجمه قیلیش و تصدیقلهتیش، بیلیم یورتیدن قبول آلیش، سفر، اۉقیش خرجتی و یاتاقخانه اوچون هم کتّه مقدارده خرجت قیلگنینی قۉشیمچه قیلگن.
اولر بېریلگن ویزهلر بېکار قیلینگن تقدیرده، اولرگه یېتکزیلگن خرجتلر و ضررنی قَیسی اداره قاپلشیگه مسوول اېکنینی سۉرهگن.
اوشبو طلبهلر ویزهلر بېکار قیلینیشینینگ رسمی سببینی اعلان قیلیشنی، بو جریان اوچون مسوول شخص یاکه ادارهنی انیقلشنی و یېتکزیلگن ضررلرنی کۉریب چیقیشنی طلب قیلگن.
تورکیه اېلچیخانهسی حاضرگچه اوشبو ویزهلرنینگ بېکار قیلینیشی و اونینگ سببلری حقیده رسماً ایضاح بېرمهگن.
