یونیسف افغانستانده باله‌لر و آنه‌لرگه بیرینچی ساغلیق خدمتلرنی کوچه‌یتیریش و کۉرسه‌تیش حقیده معلوم قیلدی
۸صبح، کابل: بیرلشگن ملتلر تشکیلاتی‌نینگ باله‌لرنی قۉللب-قۉتلش جمغرمه‌سی (یونیسف) افغانستانده بیرینچی ساغلیق خدمتلرنی کوچه‌یتیریش همده آنه‌لر و باله‌لر‌نینگ ساغلیق خدمتلردن فایده‌لنیش امکانیتلرینی کېنگه‌یتیریش اوچون سعی-حرکت قیله‌یاتگنینی معلوم قیلدی.
تشکیلات پنج‌شنبه کونی، ۱۶ میزان، ایکس صحیفه‌سیده کوریا‌نینگ یاردمیده بیرینچی ساغلیق خدمتلرنی کوچه‌یتیره‌یاتگنی همده آنه‌لر، ینگی توغیلگن چقه‌لاقلر و باله‌لرگه ساغلیق خدمتلردن فایده‌لنیش امکانیتلرینی کېنگه‌یتیره‌یاتگنینی یازدی.
یونیسف قۉشیمچه قیلیشیچه، تشکیلات دستورلری اېملش و آزیقلنتیریش خدمتلرینی کۉرسه‌تیشنی هم اۉز ایچیگه آله‌دی.
تشکیلات هر بیر باله اۉز حیاتینی ساغلام باشلش حقوقیگه اېگه اېکنینی تأکیدله‌دی.
بو یاردملر افغانستان‌نینگ چېکّه حدودلریده کۉپلب عیاللر، باله‌لر و حامله‌دار آنه‌لر صفتلی ساغلیق خدمتلردن فایده‌لنیش امکانیتیگه اېگه اېمس بیر پیتده عملگه آشیریلماقده.
