غزنیده اهالی اۉز مبلغی حسابیدن طبیات مرکزی قوردی
۸صبح، غزنی: غزنی ولایتی‌نینگ ناور تومنیده اهالی اۉز مبلغی حسابیدن ساغلیق مرکزی قوریلیشی یکونلنگنی حقیده محلی منبعلر خبر بېرماقده.
منبعلر پنج‌شنبه کونی، ۱۶-میزان، ۸صبح گزېته‌سیگه بېرگن صحبتیده اوشبو ساغلیق مرکزی ولایت‌نینگ ناور تومنیده‌گی «باریک جوی» حدودیده قوریلگنینی اَیتیشگن.
منبعلر قۉشیمچه قیلیشیچه، اوشبو ساغلیق مرکزینی قوریش اوچون ۱،۵ میلیون افغانی صرفلنگن و مبلغ محلی اهالی تامانیدن تأمینلنگن.
محلی اهالی اوّل بو حدودده ساغلیق مرکزی بۉلمه‌گنی سببلی جدّی معمالرگه دوچ کېلگنینی اَیتماقده.
بو حالت غزنی اهالیسی بوندین آلدین هم ولایت‌نینگ تورلی حدودلریده کۉپلب جماعت لایحه‌لرینی اۉز مبلغلری حسابیدن مالیه‌لشتیریب، یکونله‌گنی، ینه بیر قطار لایحه‌لر قوریلیشی اېسه دوام اېته‌یاتگن بیر پیتده یوز بېرماقده.
