بمت قَیتیب کېلگن عایله‌لر اوچون ۸۰۰ ته باش‌پناه‌نی ترمیملش ایشلری باشلنگنینی معلوم قیلدی
۸صبح، کابل: بیرلشگن ملتلر تشکیلاتی‌نینگ انسان یشش جایلری دستوری (UN-Habitat) افغانستان اوچون مخصوص ایشانچ جمغرمه‌سی (UN STFA) یاردمیده قندوز و بغلان ولایتلریده‌گی ضعیف عایله‌لر اوچون ۸۰۰ ته باش‌پناه‌نی ترمیملش ایشلرینی باشله‌گنینی معلوم قیلدی.
اوشبو دستور پنج‌شنبه کونی، ۱۶-میزان، ایکس صحیفه‌سیده افغانستانده مینگلب قَیتیب کېلگن عایله‌لر مناسب باش‌پناه یېتیشمسلیگی معماسیگه دوچ کېله‌یاتگنینی یازگن.
مذکور تشکیلات دستور باشلنگنیگه قره‌مه‌ی، باش‌پناه‌گه بۉلگن احتیاج همان کېنگ کۉلمده اېکنینی و کۉپلب قَیتیب کېلگن عایله‌لرگه اویلرینی ترمیملش یاکه قَیته قوریش اوچون یاردم ضرورلیگینی بیلدیرگن.
بو حالت سۉنگگی ییللرده قۉشنی مملکتلردن افغانستانگه قَیتیب کېله‌یاتگن افغانلر سانی آرتیب، قَیتیش حدودلریده‌گی امکانیتلر و خدمتلرگه باسیم کوچه‌یگن بیر پیتده یوز بېرماقده.
بیرلشگن ملتلر تشکیلاتی‌نینگ قاچقینلر بۉییچه عالی کمیسارلیگی (UNHCR) معلوماتلریگه کۉره، ۲۰۲۳-ییل اکتوبریدن ۲۰۲۵-ییل آخریگچه قریب ۵،۴ میلیون افغان ایران و پاکستاندن افغانستانگه قَیتیب کېلگن.
