فطرت: مینگ‌دن آرتیق افغان مهاجری مملکتگه قَیتدی
۸صبح، کابل: طالبان ۲۵۳ ته افغانستانلیک مهاجر عایله، جمعی ۱ مینگ ۱۳۵ نفر کیشی مملکتگه قَیتگنینی معلوم قیلدی.
طالبان سۉزلاوچیسی، حمدالله فطرت، سه‌شنبه کونی، ۷ میزان، ترقه‌تگن بیاناتیده، اوشبو مهاجرلر اۉتگن کون تورلی چېگره یۉللری آرقه‌لی افغانستانگه کیریب کېلگنینی اَیتگن.
فطرت‌نینگ سۉزلریگه کۉره، ۵۳ ته عایله، جمعی ۲۹۴ کیشی ننگرهار ولایتیده‌گی تورخم چېگره‌سی آرقه‌لی مملکتگه کیرگن.
او قۉشیمچه قیلیشیچه، ۱۱ ته عایله، جمعی ۵۳ کیشی قندهارده‌گی سپین‌بولدک چېگره‌سی آرقه‌لی افغانستانگه کیریب کېلگن.
طالبان سۉزلاوچیسی ینه ۱۶۵ ته عایله، جمعی ۷۰۵ کیشی نیمروز ولایتیده‌گی ایپک کۉپریگی آرقه‌لی مملکتگه قَیتگنینی اَیتگن.
شونینگدېک، فطرت‌نینگ اَیتیشیچه، ۲۴ ته مهاجر عایله، جمعی ۸۳ کیشی هراتده‌گی اسلام‌قلعه چېگره‌سی آرقه‌لی افغانستانگه کیریب کېلگن.
