یونیسف افغانستان بۉیلب واکسین خدمتلرینی کۉرسه‌تیش و ضرور جهازلرنی تأمینلش حقیده معلوم قیلدی
۸صبح، کابل: بیرلشگن ملتلر تشکیلاتی‌نینگ باله‌لرنی قۉللب-قۉتلش جمغرمه‌سی (یونیسف) اوشبو تشکیلات همکارلری‌نینگ یاردمیده افغانستان بۉیلب شفاخانه‌لرنی واکسین‌لر، موزله‌تکیچلر و «ساووق زنجیر اسکونه‌لری» بیلن تأمینله‌یاتگنینی معلوم قیلدی.
تشکیلات سه‌شنبه کونی، ۷-میزان، ایکس صحیفه‌سیده هراتده‌گی بیر کلینیکده ساغلیق خادملری باله‌لرنی اېملشگه تیّارگرلیک کۉره‌یاتگنینی یازدی.
یونیسف اوشبو اسکونه‌لر افغانستانده‌گی ساغلیق مرکزلریده واکسین‌لرنی تۉغری سقلش و تشیشنی تأمینلشگه یاردم بېریش مقصدیده یېتکزیب بېریله‌یاتگنینی بیلدیردی.
تشکیلات‌نینگ اَیتیشیچه، ساغلیق خادملری اېملش خدمتلرینی کۉرسه‌تیش آرقه‌لی باله‌لرنی آلدینی آلیش ممکن بۉلگن کسللیکلردن حمایه قیلیشده مهم رۉل اۉینه‌یدی.
یونیسف، شونینگدېک، اېملش خدمتلرینی دوام اېتتیریش و باله‌لرنی آلدینی آلیش ممکن بۉلگن کسللیکلردن حمایه قیلیش اوچون واکسین‌لر همده تېگیشلی اسکونه‌لردن فایده‌لنیش امکانیتی‌نینگ مهم‌لیگیگه اورغو بېردی.
