صحرایی جزا، طالبان نینگ دنیا گه باسیمی؛ سپورت میدانی سلاخ‌خانه گه اېلنگن
طالبان سۉنگی ایکّی یریم ییل ایچیده سابق حکومت نینگ برچه حقوقی و قانونی قاعده‌لرینی بیکار اعلام قیلگنلر. بو گروه انسان حقلرینی رعایت قیلیش و صحرایی جزالر منع قیلینیشی گه دایر برچه ایچکی و خارجی باسیم‌لر بیلن تورت کیشینی مینگلب یشاوچی و مذکور گروه نینگ یوقاری مرتبه‌لی عملدارلری حضوری بیلن مملکت سپورت میدان‌لری ده آتیب اولدیرگنلر. ینگی‌لیکده طالبان نینگ عالی محکمه‌سی، ملا هبت‌الله نینگ بویروغی بیلن غزنی ده سپورت میدانیده ایکّی کیشینی آتیب اولدیرگنینی اعلام قیلگن. عام حضوری ده متهم کیشی‌لر نینگ آتیب اولدیریش انسان حقلری نهادلری نینگ قرشی‌لیگی بیلن دوچ بولگن. بیرلشگن ملتلر تشکیلاتی گه کوره، اعدام جزاسی گه قرشی دیر و طالبان تیزلیک بیلن بونده‌ی حرکت‌لری گه چېک قوییشی کېره‌ک. خلق‌ارا کېچیریم تشکیلاتی هم طالبان تامانیدن دار گه آسیش، شفقت‌سیز جزالنتیریش، غیر انسانی و حقارت قیلیش جزالر تقیق‌لنیشینی اېسته‌گن. شو بیلن بیرگه حقوق ایشلری بوییچه ایش بیلرمان‌لر نینگ ایتیشلریچه، طالبان تامانیدن قصاص حکمی عملگه آشیریلیشی عادلانه محکمه نینگ قاعده‌لری گه قرشی دیر و متهم کیشی‌لر اوشبو گروه نینگ محکمه‌لریده حتا دستلبکی انسانی حق دن محروم دیر و عین‌حالده طالبان قاضی‌لری مستقل اېمس و قانون حکمی گه قرشی بویروغ صادر قیله‌دیلر. اولر گه کوره، طالبان دنیا بیلن تعامل قیلیشده مغلوب بولیشیدن کیېن دنیا گه باسیم کېلتیریش گه یوز اۉگیریب و صحرایی جزالردن باسیم اوله‌راق قوللنماقده‌لر.
طالبان عالی محکمه‌سی بیر بیانیه ترقه‌تیب ایتیشیچه، غزنی ده ایکّی کیشینی ملا هبت‌الله نینگ بویروغیدن سۉنگ آتیب اولدیرگنلر. بو ایکّی کیشی غزنی شهری نینگ سپورت میدان‌لریدن بیری ده یوزلب کیشی نینگ حضوری بیلن «بیش اوق» بیلن آتیب اولدیریلگنینی ایتگن طالبان رسمی‌لری.
طالبان عالی محکمه‌سی نینگ بیانیه‌سی اساسیده، میدان‌وردک ولایتی سیدآباد تومنی یشاوچیسی سیدمحمود اوغلی سیدجمال و غزنی ولایتی اندر تومنی یشاوچیسی شاه‌ولی اوغلی گل‌خان، متهم کیشی‌لردن بولیب و طالبان اوشبو نهادی نینگ بویروغی بیلن آتیب اۉلدیریلگنلر.
شو بیلن بیرگه، سابق باش قاره‌لاوچیلیک اداره سوزلاوچیسی جمشید رسولی ۸صبح کونده‌لیگی گه ایتیشیچه، دار گه آسیش و قصاص جزاسی ایکیله‌سی انسان نینگ حیاتی گه چېک قوییش گه سبب بوله‌دی بیر قطار مملکتلر دار گه آسیش جزاسی گه قرشی دیر. رسولی جنابلری گه کوره، اسلام قاعده‌لرینی رعایت قیله‌دیگن مملکتلر قصاص نی جزا اوله‌راق رسمیت گه تانیدی، لېکن قصاص شرط‌لرینی عملی قیله آلمسلیک‌لری اوچون یومشاق‌لیک کورسته‌دیلر.
رسولی نینگ کوپه‌یتیریشیچه، طالبان نینگ قضایی محکمه‌سیده اۉز باشیمچه‌لیک، خودمختارلیک و حد دن تشقری قضاوت قیلیش گه توسیق بولیش اوچون مدنی قانون یوق دیر و بو اقدام عادلانه محکمه جریانینی قیینچیلیک بیلن دوچ قیله‌دی. اونینگ کوپه‌یتیریشیچه، طالبان قاضی‌لری اېرکین اېمس‌لر و خاص بیر گروه گه عاید دیر.
رسولی جنابلری نینگ تاکیدلشیچه، طالبان رژیمی ده متهم کیشی‌لر نینگ اساسی حقوقی رعایت بولمه‌یدی و مذکور گروه محکمه‌لری تامانیدن اعدام و قصاص جزاسی اوچون بولگن شرط‌لر کوزگه توتیلمه‌یدی.
سابق باش قاره‌لاوچیلیک سوزلاوچیسی نینگ ایتیشیچه، اعدام جزاسی اوچون حقوق متخصص‌لری ایکّی بولیم ده دیر. بیرینچی بولیم اعدام جزاسی گه بوتونلی قرشی دیر و ایکّینچی بولیم جمعیت اصلاح ایتیلیشی یا که جزا قاعده‌لری عملگه آشیریلیشی اوچون اعدام بولیشنی یگانه ییچیم یول بیله‌دیلر.
رسولی جنابلری نینگ کوپه‌یتیریشیچه، سابق دولت جزا کودی ده اعدام شرط‌لرینی چېکله‌گندی و باشقه تاماندن اعدام جزاسی عملگه آشیریلمسلیگی اوچون کوپ تلاش قیلر اېدی.
پاریس سیاسی مطالعه‌لر موسسه‌سی (Sciences Po) ده استاد و تدقیقاتچی و سابق حکومت تېزیمیده افغانستان حقوقی بولیم‌لریده وظیفه بجرگن احمدرضا صادقی ۸صبح کونده‌لیگی بیلن اۉتگزگن صحبتیده طالبان نینگ بو حرکتینی «شفقت‌سیزلیک و ناانسانی» عنوان قیله‌دی. اونگه کوره، غزنی ده طالبان تامانیدن قصاص اوچون بیر کیشینی بیش اوق بیلن آتیب اولدیریش شفقت‌سیزلیک دن درک بیره‌دی.
صادقی جنابلری نینگ کوپه‌یتیریشیچه، طالبان تامانیدن «قصاص و حدود» جزاسی عملگه آشیریلیشی و اسلام قدریت‌لری بیلن مطابقت بیریش جدی بحث اوله‌راق تورت تامانیدن اساسی قیینچیلیکّه دوچ دیر. اونگه کوره، بیرینچی قیینچیلیک طالبان رژیمی دیر که کوپ سانده فقه‌لر نینگ فکر-ملاحظه‌سی اساسیده طالبان اسلامی تېزیم شرایطینی رعایت قیلمه‌یدی و بو گروه حاضرگچه هیچ بیر اسلامی مملکت تامانیدن تن آلینمه‌گن. اونینگ کوپه‌یتیریشیچه: «اسلام قاعده‌لرینی عملگه آشیریش، اسلامی و اسلام قدریت‌لری گه ماس بیر تېزیم گه اېگه بولیش کېره‌ک.»
انسان حقلری فعالی فریحه ایثار نینگ ۸کونده‌لیگی گه ایتیشیچه، غزنی ده عام حضوری ده ایکّی کیشی نینگ اعدام جزاسی عجبلنرلی اېمس. اونینگ کوپه‌یتیریشیچه: «صحرایی محکمه، ترور، جنایت، قتل، قییناق‌لش و تصور قیلینه‌دیگن نرسه بیلن طالبان نینگ کیملیگی باغلنگن.» طالبان نی «جنایت‌سیز» تصور قیلیش ممکن‌سیز دیدی بانو ایثار. اونگه کوره، جنایت طالبان نینگ سابقه‌لی کیملیگی نینگ بیر بولیمی دیر. بانو ایثار نینگ تاکیدلشیچه، طالبان گروهی دن بوندن آرتیق کوتیش و تصور قیلیش ممکن‌سیز.
انسان حقلری اوشبو فعالی نینگ ایتیشیچه، متهم کیشی نینگ انسان حقلری حفظ بولیشی بیلن قانون و عادلانه محکمه اساسیده جنایی ایشلر تېکشیریلیشی درکار. اونینگ کوپه‌یتیریشیچه: «طالبان ترورچی بیر گروه اوله‌راق حکومتدارلیک اوچون یخشی ادبیات دن حاضرگچه قوللنه آلمه‌گن.»
انسان حقلری مذکور فعالی افغانستانده انسان حقلری کېنگ کولمده ایاغ آستی بولیشی بیلن دنیا نینگ عادی یانده‌شوویدن خواطر بیلدیریب ایتیشیچه: «طالبان انسان حقلری قدریت‌لری گه حرمت قیلیش ادعاسینی قیلگن برچه مملکتلر حضوری ده بو برچه جنایت نی قیلماقده. افغانستان خلقی بو برچه ظلم، جنایت، حقارت و کم‌سیتیشنی تحمل قیلیب و یشاوچیلر گه قرشی طالبان نینگ جنایتی دوام ایتماقده.»
افغانستانده بیرلشگن ملتلر تشکیلاتی نینگ اۉرین باسرلیک هیات دفتری (یوناما) غزنی ده طالبان تامانیدن ایکّی کیشی گه قصاص حکمی جاری ایتیلیشی گه مناسبت بیلدیریب ایتیشیچه، اعدام جزاسی بیلن بوتونلی قرشی دیر. یوناما گه کوره، اعدام جزاسی برچه قاعده‌لری بیلن قرشی دیر و طالبان تېزلیک بیلن بو کبی حرکت‌لری گه چېک قوییشی کېره‌ک.
خلق‌ارا کېچیریم تشکیلاتی هم بیر بیانیه ترقه‌تیب طالبان برچه اعدام جزالرینی تېزلیک بیلن توخته‌تیشی کېره‌ک دیگن. بو تشکیلات اعدام جزاسی بیکار قیلینیشی اوستیگه تاکیدلب، غیر انسانی جزالر و طالبان نینگ حقارت قلیش حرکت‌لری گه چېک قوییلیشینی سۉره‌گن.
خلق‌ارا کېچیریم تشکیلاتی نینگ آسیا جنوبی منطقه‌لری ایشلری بوییچه مدیری نینگ وقتینچه‌لیک اۉرین باسری لیویا ساکاردی، طالبان نینگ اعدام جزاسی گه مناسبت بیلدیریب ایتیشیچه: «حیات حقی نقض ایتیلیشی اوله‌راق برچه اعدام جزاسی گه قرشی‌میز. طالبان نیچه مراتبه بو ایشنی آچیق طرز ده عملی قیلگن انسانی کرامت و شونینگدیک خلق‌ارا معیارلر و قاعده‌لر گه قرشی دیر و قبول قیلینمه‌یدی.»
ایتیش کېره‌ک که طالبان سۉنگی ایکّی ییل ده دنیا گه باسیم کېلتیریش اوچون انسانیت گه ضد ایشلری گه دوام بیریب کیلگنلر. بو گروه دوحه ییغیلیشیده اشتراک قیلمسدن کیېن عام حضوری ده ایکّی کیشینی آتیب اولدیردی، عین‌حالده طالبان تامانیدن قتیق جزا بیریلیشی انسان قدریت‌لری و بشری کرامت گه قرشی دییلگن.