آزادلیک جبهه‌سی: بدخشانده طالبان‌نینگ بېش اعضاسی اۉلدیریلدی
۸صبح، بدخشان: افغانستان آزادلیک جبهه‌سی بدخشان‌نینگ کران و منجان تومنیده اوشبو جبهه‌گه تېگیشلی کوچلر طالبان اعضالرینی آلیب کېته‌یاتگن موتریگه هجوم قیلیشی عاقبتیده بېش نفر طالبان اعضاسی اۉلدیریلگنینی معلوم قیلدی.
اوشبو جبهه پنج‌شنبه کونی، ۱۶ میزان، اعلان قیلگن بیاناتیده، واقعه سه‌شنبه کونی کېچقورون صادر بۉلگنینی بیلدیرگن.
جبهه قۉشیمچه قیلیشیچه، اوشبو واقعه‌ده طالبان‌نینگ بیر قوماندانی تۉرت نفر قۉریقچیسی بیلن بیرگه اۉلدیریلگن.
آزادلیک جبهه‌سی‌نینگ اَیتیشیچه، بو شخصلرنی آلیب کېته‌یاتگن موتر کران و منجان دن پنجشېر تامان حرکتلنه‌یاتگن پیتده نشانگه آلینگن.
شونینگدېک، اوشبو جبهه طالبان اهالیدن اوشبو گروهگه قرشی بۉلگن جبهه‌لرگه قرشی ترغیباتنی کوچه‌یتیریشنی سۉره‌یاتگنینی دعوا قیلگن.
