آلمان ایچکی ایشلر وزیری: کلن‌ده طالبان موجودلیگی قبول قیلینمه‌یدی
۸صبح، کابل: آلمان ایچکی ایشلر وزیری، طالبان آوقت و دارو ملی اداره‌سی سرپرستی عبدالباری عمرنینگ بو مملکت‌ده‌گی حضوری باره‌سیده عکس‌العمل کۉرسه‌تیب بو گروه نماینده‌لری‌نینگ کلن‌ده حضوری بوتونله‌ی قبول قیلینمه‌یدی دېب تیلگه آلگن.
آلمان ایچکی ایشلر وزیری نانسی فایزر ۲۷-عقرب شنبه کونی او مملکت‌نینگ عاموی اخبارات واسطه‌لریگه بېرگن صحبتیده، عبدالباری عمرنینگ حضوری و نطق سۉزله‌گنینی جدی تنقید آستیگه آلیب بو موضوع یاروتیلیشینی ایسته‌گن.
اونینگ سۉزلریگه کۉره: «کلن‌ده طالبلر نماینده‌سی‌نینگ حضوری بوتکول قبول قیلینمه‌یدی بو قتّیق قاره‌له‌نیشی کېره‌ک.»
طالبلر انسان حقوقلرینی کېنگ کۉلمده آیاغ آستی قیلگن‌لیک‌نینگ مسوولی دېگن او.
فایزرنینگ قۉشیمچه قیلیشیچه: «بیزلر آلمان‌ده کۉپینچه افغانستانلیک مهاجرلرنی طالبان‌نینگ ظالمانه حکومتی برابریده حمایه قیله‌میز. شونینگ اوچون طالبلر بلند مرتبه‌لی رسمیلری‌نینگ آلمان‌ده کېسکین اورنی یۉق.»
آلمان ایچکی ایشلر وزیرلیگی تېگیشلی اداره‌لرنینگ مسووللری بو دوسیه‌نی جدی بیر شکلده اۉرگنماقده‌لر دۉب کۉپه‌یتیرگن.
شونینگدېک، طالبان آوقت و دارو ملی اداره‌سی سرپرستی ایکس ترماغیده بیر پیام نشر قیلیب ایتیشیچه: «مېن هنوز هم اروپادهمن. بو سفر جریانیده هالند، بلجیم، اسلواکی و آلمانده‌گی افغان ایناغه‌لریم شامل افغانستانلیک بیر قنچه اېلچیلر همده دیپلوماتلر بیلن اوچرشدیم.»
آلمان‌ده عبدالباری عمر صحبتلری جریانیدن یازیلگن ویدیونینگ نشر بۉلیشی بو مملکت دولتی‌نینگ جدی تنقید آستیگه آلینیشیگه سبب بۉلدی.
بوندن کېین، آلمان تشقی ایشلر وزیری طالبلر نماینده‌سی‌نینگ کلن شهریده‌گی حضورینی «قتّیق قاره‌له‌یمیز» دېب اعلان قیلدی و آلمان نماینده‌لیکلری اونگه ویزه بېرمه‌گنلیکلرینی تاکیدله‌دی و آلمان طالبلر حکومتینی رسمیتگه تانیمه‌یدی دېدی.