فاطمه: بیرلشگن ملتلر تشکیلاتی افغانستان خلقینی قۉللب-قوّتلشده دوام اېته‌دی
۸صبح، کابل: بیرلشگن ملتلر تشکیلاتی‌نینگ افغانستان بۉییچه باش کاتبی مخصوص وکیلی و اوشبو تشکیلات‌نینگ افغانستانده‌گی یاردم هیاتی (یوناما) رهبری رباب فاطمه بیرلشگن ملتلر تشکیلاتی افغانستان خلقینی قۉللب-قوّتلشده دوام اېتیشینی اَیتدی.
فاطمه شنبه کونی، ۲ عقرب، بیرلشگن ملتلر تشکیلاتی تشکیل تاپگنی‌نینگ ۸۱ ییللیگی مناسبتی بیلن یۉلله‌گن خبریده بو حقده معلوم قیلدی.
او قۉشیمچه قیلدی: «افغانستانده‌گی وظیفه‌لریمنی اوشبو مملکت خلقیگه، اونینگ مدنیتی و بای میراثیگه چوقور حرمت بیلن باشله‌یمن. خلق‌نینگ فکر-ملاحظه‌لرینی تینگلش، اولر بیلن ملاقات قیلیش و یانمه-یان ایشلشگه صادقمن».
یوناما رهبری‌نینگ اَیتیشیچه، بیرلشگن ملتلر تشکیلاتی قریب سکّیز اۉن ییللیک دوامیده اوروش و قیینچیلیکلر دوریده، شونینگدېک، ترقیات و امکانیتلر پیتیده افغانستان خلقی بیلن بیرگه بۉلیب کېلگن.
فاطمه افغانستان‌نینگ کېله‌جگی اوشبو مملکت خلقیگه تېگیشلی اېکنینی تأکیدلب، بیرلشگن ملتلر تشکیلاتی صادق همکار صفتیده افغانلر اۉز کېله‌جگینی شکللنتیریشلری اوچون اولر بیلن بیرگه قالیشینی بیلدیردی.
