یوناما باشلیغی: قیزلر نینگ تعلیمی یالغیز غرب مملکت‌لری اېمس بلکه اسلام عالمی نینگ اېستهگی دیر
افغانستان ده بیرلشگن ملتلر تشکیلاتی باش کاتبی نینگ مخصوص وکیلی و اوشبو تشکیلات نینگ اۉرین باسرلیک هیأت باشلیغی رزا اوتنبایوا، قیزلر نی بیلیم دن محروم قیلیش نه‌فقط برچه افغان‌لر گه تاثیر قیله‌دی، بلکه «افغانستان نی اسلام عالمی و دنیا همجمعیت» دن اوزاقلشتیریشی ممکن دیگن.
رزا اوتنبایوا بو سۉزلرنی ۴دلو، چهارشنبه کونی، خلق‌ارا تعلیم کونی مناسبتی بیلن بولگن پیامیده بیان قیلگن.
اونگه کوره، خاتین قیزلر نینگ حقوقی و تعلیمی گه حرمت قیلیش یالغیز غرب مملکت‌لری نینگ اېستهگی اېمس، بلکه اسلام عالمی نینگ اېستهگی دیر.
یوناما باشلیغی نینگ کوپه‌یتیریشیچه، بیلیم بوگونگی و اېرتنگی معمالر گه قرشی کوره‌ش، اقتصادی تحرک و اقلیمی بحران اثرلرینی کمه‌ېتیریش اوچون ضروری دیر.
طالبان تعلیم نه‌فقط معنوی مجبوریت بلکه جمعیت تینچ‌لیگی اوچون هم حیاتی مسئله اېکنینی توشینیشی کیره‌ک دېدی، رزا اوتنبایوا.
بیرلشگن ملتلر تشکیلاتی باش کاتبی مخصوص نماینده‌سی، طالبان جندر نی نظر گه آلمسدن برچه کیشی‌لر نینگ حقوقینی قۉللب-قوتلشی کېرهک دیگن.
شو بیلن بیرگه، بیرلشگن ملتلر تشکیلاتی قاچقینلر ایشلری بویېچه عالی کمیساری ایکس صحیفه‌سیده، بو تشکیلات افغانستان ده قیزلر و یېگیت‌لر نینگ تعلیمیدن حمایت اېتیشی گه دوام بیریشی کېرهک دیب یازگن.
اوشبو تشکیلات گه کوره، برچه قیېنچیلیکلر بیلن تعلیم افغان‌لر اوچون «چراغ نوری» بۉلیب قالگن.
اېتیش کېرهک طالبان اایکّینچی مرته حاکمیتیدن کیېن آلتینچی صنف دن یوقاری قیز اۉقوچیلر گه مکتب و بیلیم یورت گه باریش اجازه‌سینی بیرمه‌گن.
بو گروه دستلب قیزلر نینگ تحصیلی آرتگه قالدیریلیشینی وقتینچه‌لیک اعلام قیلگندی، بیراق ایکّی ییل اوتیشی بیلن قیزلر حاضر هم بیلیم دن محروم بۉلیب قالماقده.