عمران‌خان تورمه‌دن اۉزینی عمومی سیلاوگه نامزد قیلدی
آزادلیکدن محروم اېتیلگن پاکستان سابق باش وزیری عمران‌خان، تورمه‌ده بۉلیشیگه قره‌مه‌ی بو مملکت سیلاولری اوچون اۉز نامزدلیگینی اعلان قیلدی.
جیونیوز، ۲۲ – دسامبر جمعه کونی تحرک انصاف حزبی رهبری عمران‌خان نامزدلیگیگه تېگیشلی حجتلر اونینگ سیلاو حوزه‌سیده‌گی میانوالی شهریده‌گی بو مملکت سیلاولر کمیسیونیگه یوباریلگن دېب گزارش بېرگن.
اونینگ نامزدلیک حجتلرینی تحریک انصاف حزبی (PTI) نینگ عملده‌گی رهبری عمر بولادی عمران‌خان نماینده‌لیگیده تاپشیرگن.
پاکستان بۉیلب سیلاولر ۲۰۲۴- ییل فبروی نینگ ۸- سیده اۉتکزیله‌دی و پاکستان خلقی اۉزی نینگ ینگی حکومتینی تنله‌یدی.
عمران‌خان ۲۰۲۲- ییل اپریل آییده بو مملکت نماینده‌لر مجلسی تامانیدن ایشانچ رای قۉلگه کیریته آلمه‌ی لوازمیدن چېتله‌تیلدی.
او چېتله تیلگندن سۉنگ، بیر نېچه دوسیه جمله‌دن القادر تراست و دولت ساوغه‌لرینی ساتگنلیکده عیبلندی.
۷۰ یاشرخان حاضرگی کونده پاکستان عالی محکمه‌سی صادر قیلگن اوچ ییللیک قماقنی اۉتکزماقده.
خان نینگ محکومیتی اونی بېش ییل سیلاولرده قتنه‌شیشدن منع قیلدی، اما اونینگ حقوقی تیمی خاننی سیلاولرده اشتراک قیلیش وثیقه‌سینی عالی محکمه‌دن آلیشگه موفق بۉلدیلر.
