پاکستانده‌گی محکمه عمران‌خاننی حکومت سِرلرینی فاش قیلگنلیکده عیبله‌دی
گزارشلرگه کۉره، پاکستان‌ده بیر محکمه بو ممکلت سابق باش وزیری عمران خاننی رسمی شکلده حکومت نینگ سِرلرینی فاش قیلیگنلیکده عیبله‌دی.
رویترزنینگ خبر بېریشیچه، خان ۱۳- دسامبر، چارشنبه کونی پاکستان نینگ فبروری آییده بۉلیب اۉتگن عمومی سیلاویده قتنه‌شیش امکانیتیگه ینگی ضربه بېرگن دولت سِرلرینی آشکار قیلگنلیکده عیبلنگن و او اۉزینی عیبدار اېمسلیگینی تأکیدله‌گن.
بو عیبلاولر پاکستان نینگ واشینگتن‌ده‌گی اېلچیسی تامانیدن اۉتگن ییلی اسلام آبادگه یوباریلگن مخفی تلگرام بیلن باغلیق. خان بو تلگرامنی آشکار قیلیشده عیبلنماقده.
حکومت قاره‌لاوچیسی شا‌ه خاور رویترزگه عیبلاولر محکمه‌ده بلند آوازده اۉقیلگنینی عمران خان و شا‌ه محمود قوریشی ایکّله‌سی هم عیبلاولرنی رد اېتگنینی معلوم قیلدی.
عمران خان نینگ وکیل مدافعسی هم عیبلاونی رد اېتیب، عیبلنووچی امضاله‌گن تقدیرده‌‌گینه عیبلاو حقیقی بۉلیشینی قۉشیمچه قیلگن.
پاکستان عالی محکمه‌سی سابق باش وزیرنینگ ایشینی بېکار قیلیش حقیده‌گی التماسینی رد اېتدی.
