هندوستان افغانستانگه طبی جهازلر و دارو-درمانلر یاردم بېردی
۸صبح، کابل: هندوستان تشقی ایشلر وزیرلیگی سۉزلاوچیسی، رندهیر جیسوال افغانستانگه طبی و دارو-درمان یاردملری یوباریلگنی حقیده خبر بېردی.
جیسوال، پنج‌شنبه کونی، ۲۹ اسد، ایکس صحیفه‌سیده یازیشیچه، بو یاردملر دۉست افغانستان خلقی بیلن برقرار ساغلیقنی سقلش ساحه‌سیده‌گی همکارلیککه صادقلیکنی ینگیلش دایره‌سیده عملگه آشیریلگن.
هندوستان تشقی ایشلر وزیرلیگی سۉزلاوچیسی قۉشیمچه قیلیشیچه، بو یاردملر طبی جهازلر و دارو-درمان تۉپلملرینی اۉز ایچیگه آله‌دی.
اونینگ اَیتیشیچه، هندوستان‌نینگ یاردم یوکلری کابلده‌گی دولت شفاخانه‌لریدن بیریگه تاپشیریلگن.
بو حالت پاکستان بیلن چېگره‌لر یاپیلگنی و اوشبو مملکتدن دارو-درمان آلیب کیریش تعقیقلنگنیدن سۉنگ افغانستانده دارو-درمان و طبی خدمتلرگه احتیاج آشگن بیر پیتده یوز بېرماقده.
