روبیو ایراننی یقین شرقدهگی بېقرارلیک عاملی دېب اتهدی
امریکا تشقی ایشلر وزیری مارکو روبیو، ایراننی یقین شرقدهگی معمالر و بېقرارلیکنینگ اساسی عاملی دېب اتهدی.
او بو سۉزلرنی امریکا وکیللری ملی کنوانسیونینینگ ۲۰۲۶-ییلگی ییغیلیشیده بیلدیردی.
روبیو ایران شیعه روحانیلرینینگ «کېنگهییشگه اینتیلووچی تفکری» منطقه اوچون تاریخی تهدید اېکنینی تاکیدلهدی.
امریکا تشقی ایشلر وزیری یمندهگی حوثیلر، عراقدهگی شیعه جنگریلری، سوریهنینگ سابق جمهور باشلیغی بشار اسدنی قۉللب-قوّتلاوچی گروهلر و لبنان حزباللهسی برچهسی ایرانگه باغلنگنینی قۉشیمچه قیلدی.
واشنگتن تهراننی یقین شرقدهگی قوراللی گروهلرنی قۉللب-قوّتلشده بیر نېچه بار عیبلهگن؛ ایران بو عیبلاونی اۉزینینگ منطقوی و مدافعه سیاستینینگ بیر قِسمی دېب بیلهدی.





