اسراییل ادعاسی: حماس کوچلریگه غزه یېر آستی تونل ترماغی آرقلی هجوم قیلدیک
اسراییل اوردوسی اۉز عسکرلری نوار عزه نینگ یېر آستی تونل ترماغیده حماس کوچلریگه هجوم قیلگنینی ادعا قیلدی.
رویترزنینگ گزارش بېریشیچه، اسراییل اردوسی ۳۱اکتوبر سه‌شنبه کونی اوشبو یېر آستی تونلگه هجوم قیلگن و ایکّی تامان ارا قتّیق آتیشمه جریانی بار.
نوار غزه یېر آستی تونلی اسراییل نینگ یېر آستی هجومی نینگ اصلی بیر مقصدی دېب ایتیله‌دی.
ایتیلیشیچه، کۉپینچه حماس گروهی آرقلی گروگه آلینگن اسراییللیکلر نوار غزه‌ده‌گی یېر آستی تونللرده سقلنه‌دی.
حماس هنوزگچه گروگه آلینگن تۉرت نفرنی آزاد قیلیشگن.
اسراییل اۉتگن کونی گروگه آلینگن عسکرلریدن بیرینی آزاد قیلیشگه موفق بۉلگنینی ادعا قیلدی.
هجوم اسراییل باش وزیری بینیا‌مین نیتا‌نیاهو فلسطین‌ده‌گی انسانی بحراننی یومشه‌تیش اوچون اوروشنی توخته‌تیش چقیریقلرینی رد اېتگنیدن کېین باشلنگن.
نشر قیلینگن خبرلرگه کۉره، اسراییل نینگ نوار غزه هجوملری باشلنگنیدن بویان سکّیزمینگ ۳۰۶ فلسطینلیک، جمله‌دن ۴۵۷کیشی باله هلاک بۉلگن.