سمنگان‌ده ایچیملیک سوو تنقیسلیگی؛ قیشلاقلر بۉشه‌ماقده
٨صبح، سمنگان
سمنگان ولایتی نینگ بیر قطار یشاووچیلری بو ولایت باغدارلری همده دهقانلری آرقلی چوقور قدوقلری قزیلیشیدن خواطر بیلدیرگنلر. اولرنینگ ایتیشیچه، بو قیینچیلیککه اعتبار قره‌تیلمه‌گن حالده، قیشلاقلرنینگ کۉپینچه یشاووچیلری اوی جایلرینی ترک قیلیشلری ممکن دیر. عین حالده، مذکور ولایت دره‌صوف پایین اولسواللیگی شیخک فولاد قیشلاغی نینگ ۴۰۰ عایله‌سی اویلرینی ترک قیلیب چیققنلر. دایمی قورغاقچیلیک طفیلی سمنگان ولایتی نینگ کۉپینچه قیشلاق یشاووچیلری اویلرینی ترک قیلیب چیقیشگه مجبور بۉلگنلر. بو قیشلاقلر اهالیسی تازه ایچیملیک سوو تنقیسلیگی و طالبان محلی رسمیلری نینگ توجه‌سیزلیگیدن شکایت قیله‌دیلر. اولرنینگ ایتیشلریچه، یېردن آیاقلری و آسماندن قۉللری اوزیلگن فقط تیریک قالیش اوچون بلخ ولایتیگه قۉشنی منطقه‌لرگه کۉچیب باریشگه مجبور بۉلگنلر.
دره‌صوف پایین قیشلاغی شیخک فولاد قیشلاغیده یشاوچی جوره بای نینگ ایتیشیچه، اولرنینگ بولاقلری و قودوقلری بیر نېچه آیدن بېری قوریب قالگن. اونینگ سۉزلریگه کۉره، اوشبو قیشلاق اهالیسی ایچیملیک سوو آلیش اوچون قۉشنی قیشلاقلرگه باره‌دی، بو اېسه کمیده آلتی ساعت دوام اېته‌دی.
شیخک فولاد قیشلاغیده یشاووچی بو اهالی نینگ ایتیشیچه، بو قیشلاقده مینگدن آرتیق عایله استقامت قیله‌دی و یقینده کمیده ۴۰۰ عایله سوو یۉقلیگی سببلی حدودنی ترک اېتگن. اونینگ قۉشیمچه قیلیشیچه، بو عایله‌لر بلخ ولایتی و سمنگان ولایتی نینگ مرکزی آیبیک شهریگه کۉچیب اۉتیشگن، شونده اولر «سوو سیزلیک»دن خلاص بۉلیشه‌دی. دره صوف اولسواللیگی نینگ ینه بیر یشاووچیسی لعل محمد هم قورغاقچیلیکدن اېسه نالیدی. اونینگ سۉزیگه کۉره‌ُ، سوونی آلیب کېلیش کوچ و قابلیتلی ایشّککه احتیاجلری بار، لېکن اقتصادی قیینچیلیک سبب بو حیوان نینگ آزوقه‌سینی تیارلشدن عاجرلر. لعل محمدنینگ نینگ قۉشیمچه قیلیشیچه: «ایشّکلریمیزگه نه سمانی بار و نه هم ارپه‌سی. بیز خلق نینگ یېرلریمیز قوریگن؛ حتی بو ییل بیر قنار سماننی ولایت مرکزیدن بیرمینگ افغانی ساتیب آله‌میز. بیر سیز ارپه‌نی اېسه ۴۰۰دن ۵۰۰گچه ساتیب آله‌میز. ارپه بیرمه‌سک ایشکلریمیز بونچه‌لیک اوزاق یۉلنی باسیب اۉته آلمه‌یدی.» اونینگ خواطرله‌نیب اظهار قیلیشیچه، سوو تیارلش اوچون، ایشّککه کته مصرف قیله دیلر لېکن حاضر اېسه اونینگ «سمان و ارپه‌سینی» تیارلشگه کوچلری ییتمه‌یدی. عینِ پیتده اوشبو تومن نینگ بیر قطار محلی کېنگشلری سوو یېتیشمسلیگیدن شکایت قیلماقده. اولر اۉز معمالرینی محلی طالبان رسمیلری بیلن کۉپ مرته محاکمه قیلگنلیکلرینی، بیراق اولرنی حل قیلیش اوچون هېچ قنده‌ی چاره کۉریلمه‌گنینی ایتیشه‌دی.
محلی کینگشلرنینگ رییسلریدن بیری همایون دره صوف، سوو تنقیسلیگینی طالبلرنینگ اوشبو اولسواللیک اوچون اولسوالی بیلن اۉرته‌گه قۉیگنلرینی ایته‌دی. اونگه کۉره، طالبلرنینگ بو محلی رسمیسی جامع مسجدده خلق سوو تنقیسلیگی برطرف بۉلیشی اوچون استسقاء نمازی اۉقیسینلر تاکه الله تعالی نینگ رحمتی جاری بۉلسه. اونینگ تاکیدلب ایتیشیچه، طالبلر اولسولی نینگ بو سۉزلریدن کېین، اهالی قیینچیلیکلری طالبلر آرقلی برطرف بۉلیشیدن امیدسیز بۉلگنلر. بیراق، بو اولسواللیکده محلی طالبان رسمیلری نینگ ایتیشیچه، دره صوف پایین منطقه‌سی نینگ ۵۰ مینگدن آرتیق اهالیسی ایچیملیک سووی تنقیسلیگیگه دوچ کېلگن و اولر نینگ اکثریتی ایچیملیک سووی یېتیشمسلیگی سببلی قیشلاقلرینی ترک اېتگن. طالبان نینگ اوشبو محلی رسمیلری اوشبو ولایتده سوو سطحی نینگ کمه‌ییب کېتگنیدن خواطرده اېکنلیکلرینی بیلدیریشدی و باغبانلر و دهقانلر تامانیدن چوقور قودوقلر قزیش ایشلری ایکّی ییل آلدینگیگه نسبتاً انچه کۉپه‌یگنینی ایتیشدی.
خلم دریاسی حدودی نینگ سوونی ترتیبگه سالیش بۉییچه آمری روح الله محمدی نینگ ایتیشیچه، آدملر تامانیدن اۉزباشیمچه‌لیک بیلن چوقور قودوق قزیش ناقانونی حسابلنه‌دی و قاعده بوزرلرگه نسبتاً جدّی چاره‌لر کۉریله‌دی.
طالبان نینگ دره صوف پایین اولسوالی مولوی شمس‌الله شمشاد اوشبو تومن اهالیسیگه ایچیملیک سوو یېتیشمسلیگینی تصدیقله‌دی و یاردم تشکیلاتلریدن اوشبو حدودلر اهالیسی نینگ معمالرینی حل قیلیشنی سۉره‌دی. بو محلی طالبان رسمیسی یاردم تشکیلاتلریدن خلق نینگ ایچیملیک سووی معمالرینی حل قیلیشنی سۉره‌گن بۉلسه، بیرلشگن ملتلر تشکیلاتی نینگ باله‌لر جمغرمه‌سی (یونیسف) دره صوف نینگ تورلی قیشلاقلریده‌گی ۱۳۰۰ عایله‌گه ۱۴ته سوو تانکری بیلن هر کونی ۹۰ یوز مینگ لیتر ایچیملیک سوو یېتکزیب بېره‌دی. سمنگانده‌گی طالبان بو حدودلر اهالیسی اوچون ۱۴ ته سوو تانکری یېترلی اېمسلیگینی ایتیب، بو تشکیلاتدن بو باره‌ده کۉپراق چاره کۉریشنی سۉره‌گن.